موسڵمانانی نیویۆرک لە گۆڕەپانی تایم سکوێر نوێژی تەراویح دەکەن

ئاڤا نیوز

سەدان موسڵمان لە نیویۆرکی ئەمریکا نوێژی بەکۆمەڵی تەراویح لە گۆڕەپانی تایم سکوێر دەکەن.

وێنە گەورەکە: وەک نەریتێکی ساڵانە، لە دووەم شەوی مانگی پیرۆزی ڕەمەزان لە 2025-03-02، ژمارەیەکی زۆر لە موسڵمانانی نیویۆرک لە گۆڕەپانی تایم سکوێر کە یەکێکە لە سەنتەرە گرنگ و بازرگانیەکانی ئەمریکا و ساڵانە زیاد لە 60 ملیۆن گەشتیار سەردانی دەکەن، کۆبوونەوە و بە کۆمەڵ نوێژی تەراویحیان ئەنجامدا، دوای ئەوەش لەلایەن بانگخوازانەوە وتار و ئامۆژگاری پێشکەش بە موسڵمانانی گۆڕەپانەکە کراو و باس لە ئاینی پیرۆزی ئیسلام بۆ هاوڵاتیانی ئامادەبوو لە ئاینەکانی دیکە کرا و نزایان بۆ موسڵمانان و مرۆڤایەتی لە جیهاندا کرد.

زانیاری زیاتر: ئاینی پیرۆزی ئیسلام خێراترین ئاینی گەشەکردووە لە نێو دانیشتوانی ئەمریکا و تەنها لە نیویۆرک نزیکەی 800 هەزار موسڵمان دەژین و لە 9%ـی دانیشتووانی ئەو شارە پیکدێنن، بە پێی ئامارەکان ئێستا لە 1.1%ـی دانیشتووانی ئەمریکا موسڵمانن و زیاد لە 400 مزگەوت لە شارە جیاوازەکانی ئەمریکا بوونی هەیە.