ترەمپ گۆمی بازاڕی دراوە ئەلیکترۆنییەکان دەشڵەقێنێت

 

ئاڤا نیوز

ترەمپ جارێکی تر پشێوی لە بازاڕی جیهاندا دروستکرد و ئەمجارە گۆمەکەی لە بازاڕی دراوە دیجیتاڵییەکان شڵەقاند.

چیرۆکی سەرەکی: دۆناڵد ترەمپ، سەرۆکی ئەمریکا تیمەکەی ڕاسپاردووە پێنج دراوی دیجیتاڵی بۆ یەدەگی ستراتیژی ئەمریکا زیادبکرێن کە بریتین لە بیتکۆین، ئەزریۆم، ریپڵ، سۆلانا و کردوانا.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، پێنج دراوی دیجیتاڵی بۆ یەدەگی ستراتیژی وڵاتەکەی زیاد دەکرێت کە بە وتەی ئەو بەهۆی هێرشی گەندەڵانەی جۆ بایدن، چەندین ساڵە ئەمریکا نەیتوانیوە سوود لە دراوە دیجیتاڵییەکان وەربگرێت و ئەمریکا دەکەنە پایتەختی دراوە دیجیتاڵییەکان.

زانیاریی زیاتر: دوابەدوای پۆستەکەی ترەمپ لە ئەکاونتەکەی خۆی، بەهای ئەم پێنج دراوە دیجیتاڵییە بەشێوەیەکی بەرچاو بەرزبوونەوە، بەگشتیش بیتکۆین لە سێ ڕۆژی ڕابردوودا لە 7 دەفتەر و 80 وەرەقەوە بۆ 9 دەفتەر و 40 وەرەقە بەرزبوونەوەی تۆمار کرد. هاوکات بەهای چوار دراوەکەی تریش بەرزبووەوە، بەڵام کاردانۆ کە بە ئەدا ناسراوە، زۆرترین بەرزبوونەوەی تۆمار کرد بە ڕێژەی 43%.