مەکسیک وەڵامی ئەمریکا دەداتەوە

ئاڤا نیوز

 

کڵاودیا شینباوم، سەرۆکی مەکسیک ڕایگەیاند، بڕیاری دۆناڵد ترەمپ، سەرۆکی ئەمریکا، بۆ سەپاندنی زیادکردنی گومرکی بە ڕێژەی 25٪ـی بەسەر مەکسیکدا "هیچ هۆکار و پاساوێکی نییە".

 

وێنە گەورەکە: ئەمریکا، بە بڕیاری دۆناڵد ترەمپ سەرۆکی وڵاتەکە بە پاساوی جیاجیا باجی گومرکی سەر وڵاتانی مەکسیک، کەنەدا و چین زیاد کردووە کە بەشێکی زۆر لە کاڵاکانی ئەو وڵاتانە لە بازاڕەکانی ئەمریکا ساغ دەکرێنەوە.

لێدوانی فەرمی: کڵاودیا شینباوم، سەرۆکی مەکسیک ڕایگەیاند، "وڵاتەکەی وەڵامی زیادکردنە گومرکییەکان دەداتەوە و ڕێکاری هاوشێوە دەگریتە بەر."

لەلایەکی دیکە: پێشتریش هەر یەکە لە چین و کەنەدا ڕایانگەیاند، وەڵامی زیادکردنە گومرکییەکانی ئەمریکا بۆ سەر کاڵاکانیان دەدەنەوە.