بەرەی مقاوەمی ئیسلامی لە سووریا دامەزرا

ئاڤا نیوز

 

دامەزراندنی بەرەیەکی نوێ بەناوی بەرەی مقاوەمەی ئیسلامی لە سووریا "ئولی بەئس" ڕادەگەیێنرێت و ئامانجیشیان بۆ ڕووبەڕووبوونەوەی هەر هەوڵێکە بۆ تێکدانی ئاسایشی وڵات لە ژێر ڕۆشنایی نەبوونی ئەو هێزە سیاسی و کۆمەڵایەتیانەی کە پێشتر سوریایان بەڕێوەبردووە.

 

وێنە گەورەکە: گرووپەکانی سەر بە مقاوەمی ئیسلامی لە وڵاتانی عەرەبی لەلایەن ئێرانەوە پاڵپشتی دەکرێن، تاران ئەو گرووپانە لە سیاسەتی دەرەکی و هەرێمایەتی خۆیدا بۆ بەدیهێنانی بەرژەوەندییە ستیراتیژییەکانی خۆی بەکار دەهێنێت.

 

ڕاگەیێنراوی فەرمی: بەرەی مقاوەمی ئیسلامی لە سووریا لە ڕاگەیێنراوێکدا دامەزراندنی خۆی ڕاگەیاند و ئاماژە بۆ ئەوە دەکات ئەم دەستپێشخەرییە ئامانجی یەکخستنی ڕیزەکانە لە بەرامبەر ئەو ئاڵنگاریانەی ڕووبەڕووی وڵاتەکە دەبنەوە، ڕاگەیاندنی ئەم بەرەیەش لە ژێر ڕۆشنایی ئەو پێشهاتانەی ئەم دواییەدایە کە سووریا بەخۆیەوە بینیوە.

 

زانیاریی زیاتر: لە ڕاگەیەندراوەکەدا کە لەسەر زاری فەرماندەی گشتیی بەرەکەوە بڵاوکراوەتەوە، پشتڕاستی دەکاتەوە کە ئەم هەنگاوە وەک وەڵامێکی سرووشتی و ڕەوای ڕووبەڕووبوونەوەی ئەو هەوڵانەیە کە بۆ دابەشکردن و برسیکردن و کۆچپێکردنی زۆرملێ لە وڵاتەکە دەدرێت.

 

ئەوەی پێویستە بیزانیت: هەر لە ڕاگەیێنراوەکەدا هاتووە:

 

- ئەم بەرەیە لە هەناوی گەلی سووریا هاتووەتە دەرەوە بۆ ڕووبەڕووبوونەوەی هەر هەوڵێک بۆ تێکدانی ئاسایشی وڵات لە ژێر ڕۆشنایی نەبوونی سوپای عەرەبی سووری و ئەو هێزە سیاسی و کۆمەڵایەتیانەی کە پێشتر سوریایان بەڕێوەبردووە.

- فەرماندەی گشتیی بەرەکە جەختی لەوە کردووەتەوە، ئەم دەستپێشخەرییە ئامانجی گەڕاندنەوەی شکۆمەندیی نیشتمان و پاراستنی لە تیرۆر و داگیرکارییە.