چین: ئامادەی هەموو جۆرە جەنگێکین لەگەڵ ئەمریکا

ئاڤا نیوز

 

ئەمریکا گەڕێکی نوێی سزاکان بۆسەر ئابووری چین دەخاتە بواری جێبەجێکردنەوە و ئەو وڵاتەش ئامادەیی خۆی بۆ هەر جۆرە "جەنگێک دژ بە ئەمریکا" دەردەبڕێت.

 

وێنە گەورەکە: لە درێژەی جەنگی بازرگانی و ئابووری نێوان ئەمریکا و چین ڕۆژی سێ شەممە   4-3-2025  بڕیاری دۆناڵد ترەمپ، سەرۆکی ئەمریکا بۆ زیادکردنی باج لە سەر بەرهەمەکانی چین بۆ %20 چووە بواری جێبەجێکردنەوە و ئەمەش پەکینی توڕە کردووە و لە بەرامبەردا بە زیادکردنی باج بۆسەر بەرهەمە کشتووکاڵییەکانی ئەمریکا وەڵامی واشنتنی دایەوە.

 

ڕاگەیێنراوی فەرمی: باڵیۆزخانەی چین لە واشنتن لە ڕاگەینراوێکی فەرمیدا ڕایگەیاند: "گەر ئەمریکا دەیەوێت کێشە و ناکۆکیەکانی نێوان پەکین و واشنتن چارەسەر بکات دەبێت ڕێگەی گفتووگۆ و ڕاوێژ بگرێتەبەر بەڵام گەر بە شێوازی جەنگیی سزاکان و جەنگی بازرگانی مامەڵە دەکات و ئەوەی بوێت، پێویستە بزانن چین ئامادەی هەموو جۆرە جەنگێکە و تا کۆتایی دەجەنگین.”

 

کاریگەری و لێکەوتەکان: لە وەڵامی سزاکانی ئەمریکا چین بە ڕێژەی %15 باجی لەسەر بەرهەمە کشتووکاڵییەکانی ئەمریکا زیادکرد و پلانی سنووردارکردنی کارکردنی لەگەڵ کۆمپانیا ئەمریکیەکان ڕاگەیاند.