گرفتی بانكی خوێنی سلێمانی چارەسەر دەكرێت

ئاڤا نیوز

 

ڕێكخراوێك بە بڕی ملیارێك دینار دەرمان و پێداویستیی تاقیگەكان پێشكەش بە بەڕێوەبەرایەتیی گشتیی تەندروستیی سلێمانی دەكات و بەڕێوەبەری بەڕێوەبەرایەتییەكەش دەڵێ بەمە گرفتی تاقیگەكانی بانكی خوێن چارەسەر دەبێت.

 

چیرۆكی سەرەكی: لە ڕۆژانی ڕابردوودا سەرپەرشتیارانی بانكی خوێنی سلێمانی ئاشكرایان كرد كە گرفتی كەمیی كەرەستەی پشكنین و پێداویستییە تاقیگەییەكانیان لە بانكەكە هەیە ئەمەش پشكنین و پرۆسەی وەرگرتن و بەخشینی خوێنی سنووردار كردووە.

 

لێدوانی فەرمی: د. سەباح نەسڕەدین، بەڕێوەبەری گشتیی تەندروستیی سلێمانی لە كۆنفڕانسێكی ڕۆژنامەوانیدا ڕایگەیاند: ڕێكخراوی كۆڵەگ فاوندەیشن بە بەهای ملیارێك دینار، دەرمان و پێداویستیی پزیشكی تاقیگەی پێشكەش كردین، دەستخۆشیان لێدەكەین، زۆرینەی پێداویستییەكان بۆ بانكی خوێنی سلێمانی كڕدراون و بەمەش گرفتی بانكەكە چارەسەر دەبێت.