سەرۆکوەزیرانی کەنەدا پووتین بە دیکتاتۆر ناوزەند دەکات

ئاڤا  نیوز

جەستن ترۆدۆ، سەرۆکوەزیرانی کەنەدا هێرش دەکاتە سەر ڤلادیمێر پووتین، سەرۆکی ڕووسیا و بە دیکتاتۆر و بکوژی ناودەبات.

وێنە گەورەکە: پەراوێزخستنی وڵاتانی ئەندام لە ناتۆ و دوورخستنەوەی کیێڤ لە کۆبوونەوەی سەرۆکەکان بۆ بڕیاردان لەسەر جەنگ لە لایەن ڤلادیمێر پووتین، سەرۆکی ڕووسیا و  دۆناڵد ترەمپ، سەرۆکی ئەمریکا و سیاسەتی ئێستای ئەمریکا، جەستن ترۆدۆی سەرۆکوەزیرانی کەنەدای نیگەران و توڕە کردووە و ئەمریکا بە مامەڵەکردن لەگەڵ کەسێکی بکوژ و دیکتاتۆر تۆمەتبار دەکات. 

 

لێدوانی فەرمی: جەستن ترۆدۆ، سەرۆکوەزیرانی کەنەدا لە کۆنگرەیەکی ڕۆژنامەوانیدا ڕایگەیاند، سیاسەتی ئێستای ئەمریکا مامەڵەکردن و هەوڵدانە بۆ ڕازیکردنی کەسێکی داگیرکەر، بکوژ و دیکتاتۆری وەک ڤلادیمێر پووتین، لە کاتێکدا سزا بەسەر هاوپەیمان و هاوڕێکانیدا دەسەپێنێت و جەنگی بازرگانی دژ بە وڵاتێکی وەک کەنەدا ڕادەگەیەنێت.

 

باکگراوند: دوای هێرشی ڕووسیا بۆ سەر دوورگەی کریمیا لە ساڵی 2014 پەیوەندییەکانی نێوان ڕووسیا و کەنەدا ڕووی لە خراپی کرد و لە ئێستادا لە خراپترین ئاستیدایە، دوای دەستپێکردنی جەنگی نێوان ڕووسیا و ئۆکراینا لە ساڵی 2022 پەیوەندیەکانی نێوان هەردوو وڵات ڕووی لە گرژی زیاتر کرد و کەنەدا پشتیوانی بەردوامی خۆی بۆ ئۆکراینا دەربڕی و ڕووسیای بە داگیرکار ناوبرد.