لە هێرشێکی ڕووسیا بۆسەر ئۆکراینا دەیان کەس کوژرا و برینداربوون

ئاڤا نیوز 

لە ئەنجامی بۆردومانێکی ڕووسیا بۆسەر ناوچەیەکی ڕۆژهەڵاتی ئۆکراینا، 41 کەس بوونە قوربانی، ئەمەش لە کاتێکدایە ئەمریکا هەوڵی نێوندگیری دەدات بۆ کۆتاییهێنان بە جەنگی نێوان ڕووسیا و ئۆکراینا. 

وێنە گەورەکە: ماوەیەکە ئەمریکا لە هەوڵی ڕاگرتنی جەنگی نێوان ئەو دوو وڵاتە دایە و دەیەوێت فشار لە ئۆکراینا بکات، ڕازی بێت بە ڕێککەوتن بۆ ڕاگرتنی شەڕ، لەو کاتەشەوە تاوەکو ئێستا ڕووسیا چەندین جار هێرشی کردووەتە سەر ئۆکراینا و بەهۆیەوە بە دەیان هاووڵاتی کوژراون.

ڕاگەیێنراوی فەرمی: یەکەی فریاگوزاری ئۆکراینا ڕایگەیاندووە، فڕۆکەکانی ڕووسیا هێرشیان کردووەتە سەر سەنتەری شاری دۆبرۆپیلیا لە هەرێمی هەرێمی دۆنێتسک و لە ئەنجامدا 11 کەس کوژراون و 30 کەسی دیکەش برینداربوون.