د.خانزاد ئەحمەد: زۆربەی ئەو تووندوتیژیانەی تۆمار دەکرێن بە هۆی سۆشیاڵ میدیاوەیە

ئاڤا نیوز

 

ئەمینداری گشتیی ئەنجوومەنی باڵای خانمان دەڵێت، دوو مانگی ئەمساڵ بەراورد بە دوو مانگی ساڵی ڕابردوو ڕێژەی تووندوتیژی بەرامبەر ئافرەتان کەمبووەتەوە و زۆربەی ئەو سکاڵایانەی تۆمار دەکرێن بەهۆی سۆشیاڵ میدیاوەیە.

 

وێنە گەورەکە: لەگەڵ بەربڵاوی بەکارهێنانی تۆڕە کۆمەڵایەتییەکان لەم 10 ساڵەی دوایدا، ساڵانە بەهۆی خراپ بەکارهێنانییان چەندین کێشەی کۆمەڵایەتیی تۆمار دەکرێن و ئەمەش بووەتە بەشێک لە هۆکارەکانی جیابوونەوەی خێزانەکان.

لێدوانی فەرمی: د.خانزاد ئەحمەد، ئەمینداری گشتیی ئەنجوومەنی باڵای خانمان و گەشەپێدان بە ئاڤا میدیای ڕاگەیاند، لەماوەی دوو مانگی یەکەمی ئەمساڵ نۆ حاڵەتی کوشتن و خۆکوشتنی ئافرەتان لە هەرێمی کوردستان تۆمار کراون، بەپێی بەدواداچوونی ئێمە ڕێژەکە بەراورد بە دوو مانگی یەکەمی ساڵی ڕابردوو کەمیکردووە. 

 

- زۆرترین ئەو تووندوتیژیانەی سکاڵایان لەسەر تۆمار دەکرێت بەهۆی سۆشیاڵ میدیاوەیە.

- زۆرجار پیاوانیش ڕووبەڕووی هەمان جۆری ئەو تووندوتیژییە دەبنەوە.

- پێویستە لیژنەی ئاشتەوایی ڕۆڵی زیاتر ببینن، کاتێک کەسێک بە نیازە سکاڵا لەسەر هاوسەر یان کەسێکی نزیکی تۆمار بکات. بەڕێگای ئاشتەوایی ئەو کێشەیە چارەسەر بکرێت.