نێچیرڤان بارزانی: كۆمەڵگەی پێشكەوتوو بێ مسۆگەركردنی ماف و ئازادیی ژن بەدی نایەت

ئاڤا نیوز

 

سەرۆکی هەرێمی کوردستان، شانازی به‌ پێگه‌ و ده‌ستکه‌وته‌کانی ئافره‌تانى کوردستان دەکات و دووپاتیشی دەکاتەوە، بنیاتنانی کۆمه‌ڵگەیه‌کی دیموکراسی و پێشکه‌وتوو بێ مسۆگه‌رکردنی ماف و ئازاديی ژن و به‌هێزکردنی ڕۆڵ و پێگه‌ى له‌ هه‌موو بواره‌کاندا، به‌دی نايه‌ت.

 

وێنە گەورەکە: بەبۆنەی 8ـی مارس، ڕۆژی جیهانی ئافرەتان، نێچیرڤان بارزانی، سەرۆکی هەرێمی کوردستان پەیامێکی پیرۆزبایی بڵاوکردەوە و جەختی لە پشتیوانیی ڕۆڵی کاریگەریی ژنان لە بنیاتنانی کۆمه‌ڵگەیه‌کی ئازادتر، دادپه‌روه‌رتر و پێشکه‌وتووتردا کردەوە.

 

ڕاگەیێنراوی فەرمی: سەرۆکی هەرێمی کوردستان لە پەیامەکەیدا ڕایگەیاند: ژن له‌ کوردستان به‌ درێژاییی مێژوو، له‌ گۆڕه‌پانی خه‌باتی سیاسی و به‌ره‌نگاربوونه‌وه‌، هه‌روه‌ها له‌ ته‌واوى کايه‌کانى ژياندا، ئاماده‌يى، ئازایه‌تی و خۆڕاگريی خۆی سه‌لماندووه‌.

- ژنان ئه‌مڕۆش به‌رده‌وامه‌ له‌ ڕۆڵی خۆیان له‌ سیاسه‌ت، ئابووری، به‌ڕێوه‌بردن و په‌روه‌رده‌ و به‌ کارايى به‌شداريی له‌ هه‌موو بواره‌کانی ژیاندا ده‌کەن.

- بۆ مسۆگه‌رکردنى مافه‌کانی ژن و پاراستنی له‌ توندوتیژی و جیاکاری، هه‌روه‌ها بۆ به‌هێزکردنی پێگه‌ی له‌ هه‌موو که‌رته‌کاندا، کاری هەمەلایەنە و زیاتر پێويسته‌.

- کۆتاییهێنان به‌ توندوتیژی دژی ژنان، پاراستنی مافه‌کانیان و دابینکردنی ژینگه‌یه‌ک که‌ به‌شداريی یه‌کسانیان له‌ هه‌موو بواره‌کانى ژياندا مسۆگه‌ر بکات، به‌رپرسیاريه‌تییه‌کی گشتییه‌.

- کوردستان نموونه‌یه‌ک بێت له‌ یه‌کسانی، دادپه‌روه‌ری و مافه‌کانی مرۆڤ.

- بنیاتنانی کۆمه‌ڵگەیه‌کی دیموکراسی و پێشکه‌وتوو بێ مسۆگه‌رکردنی ماف و ئازاديی ژن و به‌هێزکردنی ڕۆڵ و پێگه‌ى له‌ هه‌موو بواره‌کاندا، به‌دی نايه‌ت.

- هه‌موو پشتگيرييه‌ک بۆ به‌رده‌واميى ڕۆڵی کاریگه‌ریان له‌ بنیاتنانی کۆمه‌ڵگەیه‌کی ئازادتر، دادپه‌روه‌رتر و پێشکه‌وتووتردا، دووپات ده‌که‌مه‌وه‌.

- پابه‌نديى به‌‌رده‌واممان دووپات ده‌که‌ینه‌وه‌ بۆ چه‌سپاندنی کولتووری پێکه‌وه‌ژیان، لێبورده‌یی و یه‌کسانی. هه‌رچيمان له‌ده‌ست بێت درێخى ناکه‌ين بۆ بنياتنانى کۆمه‌ڵگەیه‌ک که‌ تيايدا ژن هاوبه‌شێکی ڕاسته‌قينه‌ بێت له‌ دروستکردنی داهاتوودا.