زێلێنسکی: ئامانجەکانی ڕووسیا لە ئۆکراینا نەگۆڕاوە

ئاڤا نیوز

 

ڤۆلۆدیمێر زێلێنسکی، سەرۆکی ئۆکراینا ڕایگەیاند، هێرشەکانی ڕووسیا بۆ سەر ئۆکراینا کە بووە هۆی کوژرانی 12 کەس، نیشاندەری ئەوەن ئامانجەکانی ڕووسیا لە ئۆکراینا نەگۆڕاوە.

 

وێنە گەورەکە: ئەو ناوچانەی ڕووسیا بۆردوومانیان دەکات سێ ساڵە شانۆی توندترین شەڕەکانی نێوان ڕووسیا و ئۆکراینایە، هێزەکانی مۆسکۆ بە هێواشی و بەشێوەیەکی بەردەوام بەرەو ڕۆژئاوا پێشڕەوی دەکەن، ئەمەش لە چوارچێوەی هەڵمەتێک بۆ گرتنی دۆنباس کە لە ناوچەی دۆنێتسک و لوهانسک پێکهاتووە.

 

لێدوانی فەرمی: ڤۆلۆدیمێر زێلێنسکی ڕایگەیاند: هێرشەکانی ئەم دواییەی ڕووسیا بۆ سەر ئۆکراینا کە بووە هۆی کوژرانی 12 کەس، نیشاندەری ئەوەن ئامانجەکانی ڕووسیا لە ئۆکراینا نەگۆڕاوە.

زانیاریی زیاتر: گرنگە بەردەوام بین لە پاراستنی هاووڵاتیانمان بەهەر شێوەیەک کە بتوانین، و پەرە بە بەرگریی ئاسمانیمان بدەین و سزاکانی سەر ڕووسیا قورس بکەین.

 

لە لایەکی دیکەوە: دۆناڵد ترەمپ، سەرۆکی ئەمریکا لە پلاتفرۆمی سۆشیال تروس ڕایگەیاندووە، لەسەر بنەمای هێرشە بەردەوامەکانی ڕووسیا بۆسەر خاکی ئۆکراینا و لەپێناو ڕاگەیاندنی ئاگربەست، خوێندنەوە بۆ گەڕێکی نوێی سزاکان بۆ سەر بانکەکانی ڕووسیا و زیادکردنی باج لەسەر بەرهەمەکانی ئەو وڵاتە دەکات.

 

ئەوەی پێویستە بیزانیت: فڕۆکەکانی ڕووسیا هێرشیان کردووەتە سەر سەنتەری شاری دۆبرۆپیلیا لە هەرێمی دۆنێتسک و لە ئەنجامدا 12 کەس کوژراون و 30 کەسی دیکەش برینداربوون.