باکووری کوردستان خۆی بۆ نەورۆزێکی مێژوویی ئامادە دەکات

ئاڤا نیوز

 

کوردانی باکووری کوردستان خۆیان ئامادەکردووە بۆ نەورۆزێکی تایبەت و مێژووی، ئاڤا زانیویەتی ئامساڵ شاندێکی باڵای هەرێمی کوردستانیش بەشداریی ئەو ئاهەنگە گەورەیە دەبن و ڕێبەری پارتی کرێکارانی کوردستان پەیامی نوێ دەبێت. 

چیرۆکی سەرەکی: نەورۆزی ئەمساڵ هاوکاتە لەگەڵ ڕاگەیاندنی پڕۆسەی ئاشتی لە تورکیا، باکووری کوردستان خۆی ئامادە دەکات بۆ ئەنجامدانی گەورەترین نەورۆز لەمساڵدا. 

 

زانیاریی زیاتر: بڕیارە لە چەند ڕۆژی داهاتوودا دەم پارتی ڕاگەیێنراوێکی هەبێت لەسەر کارنامەی چالاکییەکانی نەورۆز لە باکووری کوردستان. 

 

لێدوانی فەرمی: محەممەد کەماچ، پەرلەمانتاری دەم پارتی بە ئاڤا میدیای ڕاگەیاند، دەم پارتی سەرکردە و پارتە سیاسییەکانی هەرێمی کوردستان و ئەوروپا بۆ ئاهەنگی نەورۆز لە ئامەد بانگهێشت دەکات و ناوی سەرۆک مەسعود بارزانی لە ڕیزبەندی یەکەمی ناوەکان دەبێت.

 

- چاوەڕوان دەکرێت عەبدوڵڵا ئۆجەلان، ڕێبەری پارتی کرێکارانی کوردستان پەیامێکی نوێی هەبێت، بەڵام ئەو پەیامە دوور دەبێت لە بانگەواز و سیاسەت بەڵکو نامەی پیرۆزبایی جەژنی نەورۆز دەبێت، بەڵام تاوەکو ئێستا یەکلایی نەبووەتەوە ڤیدیۆیی دەبێت یاخود هاوشێوەی جاری پێشوو بە دەستنووس دەبێت.

 

- ئەمساڵ باکووری کوردستان ئاهەنگێکی گەورە لە ئامەد دەگێرن، دوای ئەوەش لە شارە کوردییەکانی دیکەش ئاهەنگی نەورۆز ڕێکدەخرێت.