موەلیدەی بەڕێوەبەرایەتیی تەندروستیی چۆمان هاووڵاتیان هەراسان دەكات

ئاڤا نیوز

 

بەڕێوەبەرایەتیی تەندروستیی چۆمان پابەند دەكرێت بە چاككردنەوەی موەلیدەی بەڕێوەبەرایەتییەكە كە ماوەیەكە بەهۆی دەردانی دووكەڵی ڕەش و دەنگی بێزاركەری، هاووڵاتیانی قەزای چۆمانی هەراسان كردووە.

 

وێنە گەورەكە: لیژنەی موەلیدە ئەهلییەكانی سەر بە فەرمانگەی ژینگەی سۆران، لە پشكنینێكی مەیدانی سەردانی قەزای چۆمانی كرد، بەمەبەستی پشكنینی موەلیدەی بەڕێوەبەرایەتیی تەندروستیی چۆمان كە ماوەیەكە ناڕەزایی هاووڵاتیانی قەزاكەی لێ كەوتووەتەوە.

 

ڕاگەیێنراوی فەرمی: فەرمانگەی ژینگەی سۆران لە ڕاگەیێنراوێكدا ئاماژەی بەوە كردووە لەو سەردانەدا لیژنەی موەلیدە ئەهلییەكان بەڕێوەبەرایەتی تەندروستیی چۆمانی ئاگادار كردووەتە پابەندی ڕێنماییەكانی ژینگە بن.
   
بە تەنیشت ئەم بابەتەوە: هەر پەیوەست بە پرسی ژینگەوە، فەرمانگەی ژینگەی سۆران بەیاوەری لیژنەی سەرپێچییە ژینگەییەكان، بەدواداچوونیان بۆ حاڵەتێكی وشككردنی ژمارەیەك دار چنار كرد لە قەزای ناوەندیی سۆران كە بە ئەنقەست لەڕێگەی نەوتەوە وشككرابوون، بڕیاردرا لێكۆڵینەوە لەو بابەتە بكرێت بەمەبەستی گرتنەبەری ڕێكاری كارگێڕی و یاسایی و ڕادەستكردنی سەرپێچیكاران بە یاسا.