مەزڵووم عەبدی: باکووری ڕۆژهەڵاتی سووریا وەک هەرێمی کوردستان نییە

ئاڤا نیوز

 

مەزڵووم عەبدی: ئێمە پابەندین بە بوونیادنانی ئایندەیەکی باشتر کە مافی هەموو هاووڵاتییانی سووریا زامن بکات و خواستەکانیان بۆ ئاشتی و کەرامەت بەدی بهێنێت.

 

وێنە گەورەکە: لەدوای ڕووخانی ڕژێمی بەشار ئەسەد ڕۆژی دووشەممە 10-3-2025 مەزڵووم عەبدی، فەرماندەی گشتیی هەسەدە و ئەحمەد شەرع، سەرۆککۆماری سووریا بۆ قۆناغی ڕاگوزەر بە ئاشکرا کۆبوونەوە و ڕێککەوتنێکی هەشت خاڵیان واژۆ کرد.

 

پەیامی فەرمی: مەزڵووم عەبدی، فەرماندەی گشتیی هێزەکانی سووریای دیموکرات چاوپێکەوتنێکی تایبەتدا بۆ گۆڤاری ئەلمەجەللا ئەنجامدا، ئەحمەد شەرع، سەرۆکی کاتی سووریا وەک سەرۆکی وڵاتەکە دەناسێنێت، هەروەها ئاماژەی بەوەدا لەگەڵ حکومەتی نوێی دیمەشق ڕێککەوتوون کە پێویستە یەک سوپای یەکگرتووی سووریا هەبێت، هەروەها ئەو قسە و باسانەی ڕەتکردەوە کە دەڵێن، ئامانجی هێزەکانی سووریای دیموکرات  ئەوەیە هاوشێوەی کوردستانی عێراق بێت لە سووریا، وتی "سووریا عێراق نییە، باکووری ڕۆژهەڵاتی سووریاش هاوتای کوردستانی عێراق نییە"

 

- ئەو پرەنسیپە بنەڕەتییەی ئێمە لەسەری هاوڕاین ئەوەیە کە نابێت دوو سوپای جیاواز هەبێت.

-ئەمریکا بە شێوەیەکی چالاک نێوەندگیری کردووە بۆ ئاسانکاری دیالۆگ لە نێوان هەسەدە و دیمەشق.

-ئەمریکا هانمان دەدات بۆ گفتوگۆ لەگەڵ دیمەشق،

-هیچ هاوکارییەک لەگەڵ ئێراندا نییە.

- ئامادەین شارەزایی خۆمان لە سووریای نوێ پێشکەش بکەین،