ئەنجوومەنی وەزیرانی کوردستان کۆدەبێتەوە و ئاڤا تەوەرەکانی ئاشکرا دەکات

ئاڤا نیوز

سبەی چوار شەممە ئەنجوومەنی وەزیرانی هەرێمی کوردستان کۆدەبێتەوە و بابەتی مووچە و چەند تەوەرێکی دیکە تاوتوێ دەکات.

وێنە گەورەکە: لە هەرێمی کوردستان ڕۆژەکانی پشوو و بۆنە فەرمییەکان دەستکاری دەکرێن و ڕێک دەخرێنەوە، ئەنجوومەنی وەزیرانی کوردستان سبەی چوار شەممە لەسەر ئەم بابەتە و مووچە و نەوت و لێخۆشبوون لە دوو جۆری قەرز کۆ دەبێتەوە.

 

ئەوەی پێویستە بیزانیت: لە کۆبوونەوەکەدا باس لەسەر سێ بڕگە دەکرێت، ئەمانەن"

بڕگەی یەکەم:
خستنەڕووی دواپێشهاتی کۆبوونەوە هاوبەشەکانی وەزارەتی سامانە سروشتییەکان و وەزارەتی نەوتی فیدراڵ و نوێنەری کۆمپانیا نەوتییەکان لەسەر دەستپێکردنەوەی هەناردەی نەوتی هەرێمی کوردستان.

بڕگەی دووەم:
خستنەڕووی دوو پێشنیازی وەزارەتی کار و کاروباری کۆمەڵایەتی. ئەوانیش: 

1. لێخۆشبوون لە پێشینەی هاوسەرگیری ئەو کەمئەندامانەی پێش ساڵی 2013 پێشینەی هاوسەرگیرییان وەرگرتووە. 

2. ڕازیبوونی سندوقی پشتیوانی پڕۆژە بچووکەکانی لاوان بۆ لێخۆشبوونی 100% یان 50%ی قیستی ماوە بۆ سوودمەندانی کۆچکردوو.

بڕگەی سێیەم:
دیاریکردنی ڕۆژەکانی پشوو و بۆنە فەرمییەکان لە ڕۆژمێری حکومەتی هەرێمی کوردستان.