سەرەڕای هەوڵەکانی ئاگربەست، ڕووسیا لە پێشڕەوییەکانی بەردەوامە

 

ئاڤا نیوز

وەزارەتی بەرگریی ڕووسیا ڕایگەیاند هێزەکانیان توانیویانە لە پێشڕەوییەکانیان لە هەرێمی کۆرسک بەردەوام بن و پاشەکشەی زیاتر بە سوپای ئۆکراینا بکەن.

وێنە گەورەکە: کۆرسک هەرێمێکی ڕووسیایە کە سوپای ئۆکراینا لە مانگی ئابی ساڵی ڕابردوو لە هێرشێکی لەناکاودا داگیری کرد و لە ئێستاشدا لەلایەن سووپای ڕووسیا گەمارۆ دراوە. 

ڕاگەیێنراوی فەرمی: بە گوێرەی ڕاگەیێنراوێکی سوپای ڕووسیا، سوپاکە چەند گوندێکی دیکەی لە ناوچەی سودژا لە هەرێمی کۆرسک کۆنترۆڵ کردوونەتەوە.

لە لایەکی دیکەوە: ئەم هێرشانە لە کاتێکدان کە ئەمریکا پڕۆژە پێشنیازێکی بۆ ئاگربەستێکی 30 ڕۆژی داوەتە هەر یەکە لە ئۆکراینا و ڕووسیا؛ ئۆکراینا ڕازی بووە و ڕووسیاش ڕایگەیاندووە بە مەرج پێی ڕازی دەبێت.