كوشتن لە عێراق %45 زیادیكردووە

ئاڤا نیوز

دوایین ئامارەکان لە عێراق دەریدەخەن، ڕێژەی تاوانەکانی کوشتن لە هەڵکشاندان، تەنیا لە دوو مانگی سەرەتای ساڵ 90 حاڵەتی کوشتن لە پارێزگاکانی عێراق تۆمارکراون.

وێنە گەورەکە: لە چەند هەفتەی ڕابردوودا، چەند ڕووداوێکی سەیری کوشتن لە عێراق تۆمارکران، لەوانە ڕووداوەکەی بازاڕی موریدی بەغدا، کە دیمەنەکان وەک فیلمی سینەمایی بوون، بە کوشتنی کەسێک تەواو بوو، کە ڕووداوی هاوشێوەی لە پارێزگاکانی دیالە و میسان بەدوای خۆیدا هێنا.

ئەوەی پێویستە بیزانیت: مانگەکانی کانوونی دووەم و شوبباتی ساڵی 2024، بەراورد بە دوو مانگی کۆتایی ساڵی 2023 ڕێژەی تاوانەکانی کوشتن بەشێوەیەکی بەرچاو لە عێراق زیادیکردووە.

ژمارەکان وادەڵێن: لەمانگی یەکەمی ئەمساڵ 46 حاڵەتی کوشتن تۆمارکراوە، لە مانگی دووەمیشدا 44 کەس کوژراون واتا بەهەردوو مانگەکە 90 حاڵەت تۆمارکراون، لە کاتێکدا لە مانگی 11 ی ساڵی ڕابردوو ڕێژەی کوشتن 34 حاڵەت و  لە مانگی 12ـی 2023، 28 حاڵەت بووە بە هەردوو مانگەکە 62 حاڵەت بووە، بەمەش ڕێژەکە 45% زیادیکردووە.