بانکی خوێنی هەولێر: کێشەی کەمی خوێنمان نیە

ئاڤا نیوز

ڕۆژانە زیاتر لە 200 کەس لە هەولێر خوێن دەبەخشن و ماوەی زیاتر لە سێ ساڵە بانکی خوێن بانگەوازی بۆ بەهانەوەچوون و بەخشینی خوێن بڵاونەکردووەتەوە.

چیرۆکی سەرەکی: ڕۆژانە زیاتر لە 200 کەس سەردانی بانکی خوێنی هەولێر دەکەن و خوێن دەبەخشن، هاوکات لەو ژمارەیە نزیکەی 100 بوتڵ خوێن بۆ تووشبووانی تالاسیما تەرخان دەکرێت.

لێدوانی فەرمی: هیمداد نەجات ئەحمەد، بەڕێوەبەری ئێشکگری لە بانکی خوێنی هەولێر بە ئاڤا میدیای ڕاگەیاند: مانگانە زیاتر لە هەزار بوتڵ خوێن بۆ تووشبووانی تالاسیما دابین دەکەین، کۆی گشتیی خوێنی دابینکراو بەسەر توشبوواندا، ساڵانە بە نزیکەی 15 هەزار بوتڵ خوێن دەخەملێندرێت.

٠ بانکی خوێنی هەولێر گرفتی کەمیی خوێنی نەبووە بۆ تووشبووانی تالاسیما و نەخۆشەکانی دیکەش.

٠ مرۆڤی ئاسایی دەتوانێت 90 ڕۆژ جارێک خوێن ببەخشێت.

٠ ئێمە بەپێی سیستم خوێن لە هاووڵاتیان وەدەگرین، بۆ نموونە کەسێک نەشتەرگەری کردووە، ناتوانێت خوێن ببەخشێت و ئەکاونتەکەی تاوەکو ساڵێک لەلای ئێمە دادەخرێت.

٠ ئەوانەی کەڵەشاخ دەکەن، ناتوانن تاوەکو شەش مانگ خوێن ببەخشن.

زانیاریی زیاتر: پێشتر لە هەر بوتڵێک خوێن تەنها یەک کەس سوودمەند دەبوو، بەڵام بەهۆی پێشکەوتنی زانستی پزیشکی و جیاکردنەوەی خرۆکە سوورەکان، پلازما، خەپلەکانی خوێن، ئێستا زیاتر لە کەسێک لێی سوودمەند دەبێت.