ترەمپ و ئەردۆغان سەقامگیری ڕۆژهەڵاتی ناوەڕاست تاوتوێ دەکەن

 

ئاڤا نیوز

هەریەک لە دۆناڵد ترەمپ سەرۆکی ئەمریکا و رەجەب تەیب ئەردۆغان سەرککۆماری تورکیا پەیوەندییەکی تەلەفۆنیان ئەنجام دا و جەختیان لە بەهێزکردنی پەیوەندییەکانیان و گەڕاندنەوەی سەقامگیری بۆ ڕۆژهەڵاتی ناوەڕاست کرد.

وێنە گەورەکە: ئیدارەی نوێی ئەمریکا دەیەوێت پەیوەندییەکانی لەگەڵ تورکیادا فراوان بکات و ئەو وڵاتەش چاوی لەوەیە پڕۆسەی پێدانی فڕۆکە شەڕکەرەکانی ئەمریکا بە تورکیا خێرا بکات و لە ئۆپراسیۆنەکانی دژ بە تیرۆر بەکاریبهێنێت.

ڕاگەیێنراوی فەرمی: سەرۆکایەتی تورکیا لە ڕاگەیێنراوێکدا ڕایگەیاند:

٠ لە پەیوەندییەکەدا رەجەب تەیب ئەردۆغان ئاماژەی بەوەکردووە، پێشهاتە ناوچەیی و جیهانییەکان وایکردووە هەماهەنگی نێوان تورکیا و ئەمریکا لەسەر هەموو پرسەکان زیاتر بکرێت، هەروەها پاڵپشتی وڵاتەکەی بۆ پێشنیازی دۆناڵد ترەمپ سەرۆکی ئەمریکا بۆ ڕاگەیاندنی ئاگربەست لە نێوان ڕووسیا و ئۆکراینا دەربڕیوە.

٠ تورکیا لە سەرەتای جەنگەوە لەگەڵ گرووپە چەکدارەکان هەوڵی گەیشتن بە ئاشتییەکی دادپەروەرانە و هەمیشەیی دەدات و بەردەوامیش دەبێت لەو پڕۆسەیەدا.

٠ جەختی لەسەر گرنگی بەشداریکردنی ئەمریکا و تورکیا بۆ گەڕاندنەوەی سەقامگیری لە سووریا و کارەکانی ئیدارەی نوێ و هەڵگرتنی سزاکانی سەر سووریا بە مەبەستی ئاساییکردنەوەی دۆخەکە کردەوە، ئەمەش ڕێگە بە سورییەکان دەدات بگەڕێنەوە بۆ زێدی خۆیان.