لەبارەی ئۆپەراسیۆنەکانیان لە دەریای سوور، هێزی دەریایی ئەمریکا قسە بۆ ئاڤا دەکات

 

ئاڤا نیوز

هێزی دەریای ئەمریکا بە ئاڤای ڕاگەیاند، ئاگاداری بانگەشەی حووسییەکانن و بەپێی یاسا نێودەوڵەتییەکان هێرشەکانیان دژ بە ئەوان بەردەوام دەبن.

چیرۆکی سەرەکی: ڕۆژی شەممە 2025-03-15، دۆناڵد ترەمپ، سەرۆکی ئەمریکا،  فەرمانی دەستپێکردنی ئۆپەراسیۆنێکی بەرفراوانی دژی حووسییەکانی یەمەن دا و لەبەرامبەردا حوسییەکان هەڕەشەی تۆڵەسەندنەوەیان لە ئەمریکا کرد.

لێدوانی فەرمی: لە وەڵامی ئیمەیڵێکی دیسکی نێودەوڵەتی ئینتەیکی ئاڤا، بەرپرسێکی هێزی دەریای ئەمریکا کە نەیویست ناوەکەی ئاشکرا بکرێت ڕایگەیاند، ئاگاداری بانگەشەی حووسییەکانین کە دەڵێن کەشتی فڕۆکە هەڵگری ئەمریکامان لە دەریای سوور کردووەتەوە ئامانج . 

٠ ناتوانم بچمە ناو هیچ وردەکارییەکەوە سەبارەت بە ئۆپەراسیۆنەکانی ئێستا یان داهاتوومان دژ بە حووسییەکانی یەمەن، بەڵام هێزە دەریاییەکانی ئەمریکا بەردەوامن لە چالاکییەکانیان لە فڕین و سووڕانەوە لە سنوورە ئاوییەکان، تەنانەت ئەنجامدانی ئۆپراسیۆنی سەربازی لە هەموو شوێنێکی جیهان کە یاسای نێودەوڵەتی ڕێگەمان پێدەدات.

باکگراوند: ڕۆژی یەکشەممە 2025-16-03، یەحیا سەریع، وتەبێژی حووسییەکان ڕایگەیاند، کەشتیی فڕۆکە هەڵگری ئەمریکی یو ئێس ئێس هاری ترومان و کەشتییە جەنگییەکانی دیکەی ئەمریکایان لە باکووری دەریای سوور بە 18 مووشەکی بالیستی ئێران و فڕۆکەی بێفڕۆکەوان لە کاردانەوەی هێرشەکانی ئەمریکا بۆ سەر یەمەن کردۆتە ئامانج.