ترەمپ: ڕۆژی سێشەممە لەگەڵ پوتن قسە دەکەم

ئاڤا نیوز

دۆناڵد ترەمپ، بەنیازە ڕۆژی سێشەممە لەگەڵ ڤلادیمێر پوتن هاوتا ڕووسییەکەی قسە بکات، ئەمەش لە چوارچێوەی نزیکبوونەوەی ئەمریکا و ڕووسیا بۆ کۆتاییهێنان بە شەڕی ئۆکراینا.

بۆچی گرنگە: ئەمە لە کاتێکدایە، لە ژێر فشاری ترەمپ، ئۆکراینا بە ئاگربەستی 30 ڕۆژەی لەگەڵ ڕووسیا ڕازی بوو، بەڵام ڕووسیا مەرجی  هەیە.

ڕاگەیێنراوی فەرمی: دۆناڵد ترەمپ بەڕۆژنامەنووسانی ڕاگەیاند، رۆژی سێشەممە لەگەڵ سەرۆک پوتن قسە دەکەم، لەوبارەیەوە کارێکی زۆر ئەنجام دراوە.

بە تەنیشت ئەم بابەتەوە: ترەمپ، سەبارەت بە دابەشکردنی زەوی و وێستگەکانی کارەبا گوتی: زۆر پرس لەگەڵ هەردوولا، ئۆکرانیا و ڕووسیا تاوتوێ کراون.