حەماس هێرشی ئیسرائیل بۆسەر غەززە شەرمەزار دەکات

ئاڤا نیوز

 

دوای دەستپێکردنەوەی هێرشەکانی ئیسرائیل بۆ سەر کەرتی غەززە لە بەرەبەیانی ڕۆژی سیشەممەوە، بزووتنەوەی حەماس هێرشە ئاسمانییەکانی ئیسرائیلی بۆسەر ئەو کەرتەی شەرمەزار کرد، ئەمەش لە کاتێکدایە کە چەند بەرپرسێکی بزووتنەوەکە بەهۆی بۆردومانەکانەوە کوژراون.

 

ڕاگەیێنراوی فەرمی: بزووتنەوەی حەماس ڕایگەیاند: بنیامین نەتانیاهۆ، بە بەرپرسیار دەزانین لە کاردانەوەکانی هێرشکردنە سەر غەززە و بۆسەر هاووڵاتییانی مەدەنی، ئەم هێرشە دەچێتە چوارچێوەی هەڵوەشاندنەوەی ڕێککەوتنی ئاگربەست و ئاڵۆگۆری دیلەکان.

 

زانیاریی بەدەستهاتوو: لەم هێرشەی ئیسرائیلدا بەگوێرەی زانیاریی میدیا فەلەستینییەکان، ''ژمارەیەک بەرپرسی حەماس کوژراون، لەوانەش ئەبو عوبێدە، ئەندامی مەکتەبی سیاسی حەماس، بەهجەت حەسەن، بەرپرسی ئۆپەراسیۆنە ناوخۆییەکان، مەحمود ئەبو وەتفا، جێگری وەزیری ناوخۆی سەر بە حەماس، لەگەڵ چەند بەرپرسێکی دیکە''.

 

ئەوەی لەبارەیەوە دەگوترێت: بەرپرسێکی بزووتنەوەی حەماس ئاماژەی بەوەداوە، لە ڕۆژانی ڕابردوو بزووتنەوەکە ئامادەکاریی کردووە بۆ هێرشکردنە سەر پێگەکانی ئیسرائیل