تاوەکو کۆتایی ئەمساڵ کارەبای هەموو دهۆک دەبێتە 24 کاتژمێری

ئاڤا نیوز 

 

کۆتایی ئەم مانگە پڕۆژەی ڕووناکی دەگاتە دهۆک و تاوەکو کۆتایی ئەمساڵ کارەبای سەرتاسەری دهۆک دەبێتە 24 کاتژمێری و مۆلیدە لەنێو شارەکەدا نامێنێت.

وێنە گەورەکە: پرۆژەی ڕووناکی، پڕۆژەیەکی ستراتیژی حکومەتی هەرێمی کوردستانە، لەرێگای پڕۆژەکەوە کاردەکرێت بۆئەوەی دوای دەیان ساڵ هەرێمی کوردستان ببێتە خاوەنی کارەبای 24 کاتژمێری، ئێستا پڕۆژەکە لە هەندێک گەڕەک و ناوچەی نێو شاری هەولێر و سلێمانی جێبەجێکراوە و پلان وایە تاوەکو ساڵی 2026 کارەبای هەموو کوردستان بکرێتە 24 کاتژمێری.

زانیاریی تایبەت: تیمی پڕۆژەی ڕووناکی بە ئاڤامیدیای ڕاگەیاند، "لە کۆتایی ئەم مانگە کارەبای 24 کاتژمێری لە ناوچەکانی بەڕۆشکێ، مەهمەتکێ  و سەرهڵدان لەنێو دهۆک کارادەبێت و 11 هەزار هاوبەش سوودمەند دەبن، پلانیش وایە تاوەکو کۆتایی ئەمساڵ لە سەرتاسەری نێو شاری دهۆک، پڕۆژەی ڕووناکی جێبەجێ بکرێت و کارەبای هەموو دهۆک دەبێتە 24 کاتژمێری."

زانیاریی زیاتر: ئێستا کارەبای 24 کاتژمێری لە دهۆک لە قۆناغی تێستی پێوەر داناندایە لەو شوێنانەی پێوەریان نییە، ڕۆژ دوای ڕۆژ هەنگاوەکانی بەگەڕخستنی پڕۆژەکەش لە دهۆک خێراتر دەکرێت.