حووسییەکان ئیدانەی هێرشەکانی ئیسرائیل دەکەن

ئاڤا نیوز

 

دوای دەستپێکردنەوەی هێرشە ئاسمانییەکانی ئیسرائیل بۆسەر کەرتی غەززە، حووسییەکانی یەمەن ئیدانەی ئەو هێرشانەیان کرد و بەیاننامەیەکیان بڵاوکردەوە.

 

وێنە گەورەکە: بەرەبەیانی ڕۆژی سێشەممە، 18-3-2025، دوای کۆتایی هاتنی وادەی ئاگربەستی غەززە، لە بەرامبەر ئازاد نەکردنی بارمەتە ئیسرائیلییەکان، ئیسرائیل بە چڕی بۆردومانی کەرتی غەززەی کرد ئەمەش کاردانەوەی بەدوای خۆیدا هێنا.

 

ڕاگەیێنراوی فەرمی: حوسییەکانی یەمەن لە بەیاننامەیەکدا  هەڕەشەی دەستپێکردنەوەی هێرشەکانیان بۆ سەر کەشتییەکانی ئیسرائیلیان لە دەریای سووردا و کەناراوەکانی یەمەن و ڕایانگەیاند: ئەمریکا و ئیسرائیل بەرپرسیار دەزانین لە پێشێلکردنی ئاگربەست و  هەڵوەشاندنەوەی هەوڵەکان بۆ دانووستانەکانی قۆناغی دووەمی ئاگربەست.

 

-دەبێت ئەمریکا و ئیسرائیل بەرگەی هەموو لێکەوتە و کاردانەوەکانی ئەم هێرشە بگرن هەرچەند قورس بێت.

 

زیانە سەرەکییەکان: وەزارەتی تەندروستی غەززە ڕایگەیاند: لە ئەنجامی هێرشەکانی ئیسرائیل بۆ سەر کەرتی غەززە تا ئێستا 356 کەس کوژراون و برینداربوون کە زۆربەیان هاووڵاتیی سڤیلن.

 

لەلایەکی دیکەوە: هاوکات لەگەڵ هێرشەکەی ئیسرائیل بۆسەر کەرتی غەززە، ئەمریکاش لە بەردەوامی  ئۆپەراسیۆنەکەی بۆ سەر پێگە و بارەگاکانی حووسییەکانی یەمەن بۆردومانی سەنعای پایتەختی یەمەنیان کرد.