فوئاد حوسێن: ئیسرائیل نیازی هەیە هێرش بكاتە سەر عێراق

ئاڤا نیوز

وەزیری دەرەوەی عێراق دەڵێت، زانیاریمان هەبوو؛ ئیسرائیل پلانی داڕشتووە بۆ هێرشكردنە سەر عێراق و "سەركەوتوو بین لە دوورخستنەوەی ئەو مەترسییە"، بەڵام هێشتا ئەگەری هێرشی ئیسرائیل ون نەبووە، بەڵكو دواخراوە.

چیرۆكی سەرەكی: دكتۆر فوئاد حوسێن، وەزیری دەرەوەی عێراق دیدارێكی تەلەفزیۆنی لەگەڵ كەناڵی هەواڵیی عێراقی ئەنجامدا و نوێترین پێشهاتەكانی ناوچەكەی باسكرد.

لێدوانی فەرمی: فوئاد حوسێن ئاماژەی بەوەكرد،

- ژمارەیەك پەیوەندیی تەلەفۆنییان لەگەڵ واشنتن و بەرپرسانی وڵاتانی دیكەی هاوپەیمانی ئەنجامدا و ئاگادارمان كردنەوە كە ئیسرائیل نیازی هێرشكردنە سەر عێراقی هەیە.

- "سەركەوتوو بووین لە ڕەواندنەوەی ئەو مەترسییە، بەڵام هێشتا ئەگەری هێرشی ئیسرائیل ون نەبووە، بەڵكو دواخراوە".

- سیاسەتی حكومەت ئەوەیە؛ شەڕ لە عێراق دووربخاتەوە و بەهیچ جۆرێك نەخلیسكێتە نێو گرژی و ناكۆكییەكانی ناوچەكە.