سوننەکان بۆ یەکلاکردنەوەی کاندیدی پۆستی سەرۆکی پەرلەمان لە کۆبوونەوەدان

ئاڤا نیوز

ئەنجوومەنی سیاسیی نیشتمانی (سوننەکان) کۆتا کۆبوونەوەی خۆی دەکات و لەبارەی کاندیدی پێکهاتەکە بۆ پۆستی سەرۆکی پەرلەمانی عێراق و بڕیاری کۆتایی دەدات.

ئەوەی پێویستە بیزانیت: دەستەی سەرۆکایەتی پەرلەمانی عێراق لە سەرۆک و دوو جێگر پێکدێت، سەرۆک پشکی سوننەیە، جێگری یەکەم بۆ شیعەکان و جێگری دووەمیش پشکی کوردە، لەدوای ساڵی 2003ـشەوە ئەم پۆستە لەلایەن پەرلەمانتارێکی پارتییەوە بەڕێوەدەبردرێت.

زانیاریی پەیامنێر: دەروون مەلا ناجی، پەیامنێری ئاڤا میدیا لە بەغدا ڕایگەیاند، ئەنجوومەنی سیاسیی نیشتمانی لە ماڵی خەمیس خەنجەر، سەرۆکی پێشووی هاوپەیمانی سیادە لە کۆبوونەوەدان، بڕیارە لەو کۆبوونەوەیە بڕیار لەسەر کاندیدی سەرۆکی پەرلەمان بدرێت.

ئەمەش بزانە: کەمتر لە 24 کاتژمێر بۆ یەکەم کۆبوونەوەی خولی نوێی پەرلەمانی عێراق ماوە، ئەگەر بێت و سوننەکان لەسەر کاندیدێک نەگەیشتنە ڕێککەوتن، ئەوا ڕەنگە لە دانیشتنی سبەی دووشەممە سوننەکان بە جیا کاندیدی خۆیان پێشکەش بکەن، ئەگەر لەمەشدا سەرکەوتوو نەبوون، دانیشتنە تەنیا بۆ سوێند خواردن دەبێت.