ساڤایا ستراتیژی "شوێن پارەکە بکەوە" لە عێراق جێبەجێ دەکات

ئاڤا نیوز

 

ستراتیژییە نوێیەکەی ئەمریکا لە عێراق، کە لەلایەن نێردراوی نوێ مارک ساڤایا، سەرپەرشتی دەکرێت، لەسەر بنەمای "شوێن پارەکە بکەوە" بنیات نراوە بۆ بەرەنگاربوونەوەی گەندەڵیی و سنووردارکردنی دەستوەردانە هەرێمییەکان.

 

ڕاگەیێنراوی فەرمی: ئاژانسی مۆنیتەر ڕاپۆرتێکی بڵاوکردووەتەوە: تیایدا باس لە گرنگی ڕێسا بەناوبانگەکەی "شوێن پارەکە بکەوە" دەکات، ئەم ڕێسایە ئێستا بووەتە نەخشەڕێگایەک بۆ مارک ساڤایا، نێردراوی نوێی ئەمریکا بۆ عێراق، کە ئەرکی چاودێریکردنی گرووپەکان و کەمکردنەوەی کاریگەری ئێران و بەرەنگاربوونەوەی سەرکردە گەندەڵەکانە کە سامانێکی زۆریان لە بانک و کۆمپانیا جیهانییەکاندا شاردووەتەوە.

 

ڕاپۆرتەکە جەختدەکاتەوە: تاکە ڕێگە بۆ لێپرسینەوەی گەندەڵکاران بریتییە لە شوێنکەوتنی سامانەکانیان، سڕکردنیان و دەستبەسەرداگرتنیان، چونکە پارە وەک ئامڕازێکی فشارکردنی توانای بەهێزترە بەراورد بە دیپلۆماسییەت یان هەڕەشەی سەربازی.

 

زانیاری زیاتر: ڕێسای "شوێن پارەکە بکەوە"، مارک فێڵت، جێگری بەڕێوەبەری پێشووی FBI، بەکاریهێناوە بۆ ئاشکراکردنی گەندەڵی بەرپرسانی سیاسی بەکاردێت.

 

باکگراوند: ڕۆژی 19-10-2025، دۆناڵد ترەمپ، سەرۆکی ئەمریکا، مارک ساڤایای وەک نێردەی تایبەتی بۆ عێراق دەستنیشان کرد، بەمەش ساڤایا بە سێیەم نێردەی ئەمریکی بۆ عێراق دادەنرێت، دوای پۆل بریمەر لە ساڵی 2003 و بریت ماکگۆرک لە ساڵی 2014 لە قۆناغی شەڕی دژی داعشدا.