دادگای سلێمانی لەبارەی ئازادکردنی شاسوار عەبدولواحید: لە ڕۆژانی پشوو مامەڵەی ئازادکردن ڕایی ناکرێت

ئاڤا نیوز

 

لەبارەی ئازادکردنی شاسوار عەبدولواحید، وتەبێژی دادگای سلێمانی  دەڵێت، بەهۆی پشووی فەرمی دامودەزگاکانی حکومەت تا دەستپێکردنەوەی دەوامی فەرمی هیچ مامەڵەیەکی ئازادکردن ڕایی ناکرێت.

 

بۆچی گرنگە: ئەمڕۆ جووڵانەوەی نەوەی نوێ بڵاوی کردەوە، سبەی 29-12، ماوەی یاسایی زیندانیکردنی شاسوار عەبدولواحید سەرۆکی جووڵانەوەی نەوەی نوێ کۆتایی دێت و بەم نزیکانە ئازاد دەکرێت.

 

لێدوانی فەرمی: حاکم سەڵاح حەسەن، وتەبێژی دادگای سلێمانی بە ئاڤای ڕاگەیاند، بەگوێرەی یاسا، ئەگەر زیندانیکراوێک ماوەی یاسایی کۆتایی هات، بەڵام دامەزراوەکانی حکومەت لەناو پشووی فەرمی بوون، تا دەستپێکردنەوەی دەوامی فەرمی هیچ مامەڵەیەکی ئازاد کردن ڕایی ناکرێت.

 

-بۆیە ئەگەر سبەی وادەی ئازادکردنی شاسوار عەبدولواحید بێت تا ڕۆژی یەکشەممە هیچ ڕێکارێک یاسایی جێبەجێ ناکرێت.

 

-حاکم سەڵاح دەشڵێت، ژمارەیەک سکاڵای دیکە لەسەر شاسوار عەبدولواحید، سەرۆکی جووڵانەوەی نەوەی نوێ تۆمار کراوە، هێشتا نازانرێت دادگا چ بڕیارێک  لەسەر سکاڵایەکان دەدات. 

 

باکگراوند: شاسوار عەبدولواحید، سەرۆکی جووڵانەوەی نەوەی نوێ لە 12ـی 8ی ئەمساڵ دەستگیر کراوە، لەسەر یەک سکاڵا پێنج مانگ زیندانی بەسەردا سەپێنراوە، هاوکات نزیکەی 80 سکاڵای تریشی لەسەر تۆمار کراوە.