ناکۆکیی کەوتە نێو ماڵی سوننەو ژمارەیەک سەرکردە کۆبوونەوەیان جێهێشت

ئاڤا نیوز

ئەنجوومەنی سیاسیی نیشتمانی (سوننەکان) لە ماڵی خەمیس خەنجەر، سەرۆکی پێشووی هاوپەیمانی سیادە کۆبوونەوە، بەڵام بەهۆی ناکۆکیی قووڵیان لەسەر کاندیدی سەرۆکی پەرلەمان و دابەشکردنی پۆستە وەزارییەکان، ژمارەیەک لە سەرکردەی سوننەکان کۆبوونەوەکەیان جێهێشت.

ئەوەی پێویستە بیزانیت: کەمتر لە 24 کاتژمێر بۆ یەکەم کۆبوونەوەی خولی نوێی پەرلەمانی عێراق ماوە، ئەگەر هاتوو سوننەکان لەسەر کاندیدێک نەگەیشتنە ڕێککەوتن، ئەوا ڕەنگە لە دانیشتنی سبەی دووشەممە بە جیا کاندیدی خۆیان پێشکەش بکەن، ئەگەر لەمەشدا سەرکەوتوو نەبوون، دانیشتنەکە تەنیا بۆ سوێند خواردن دەبێت.

لێدوانی فەرمی: نووسینگەی ڕاگەیاندنی هاوپەیمانی عەزم بە ئاڤای ڕاگەیاند کۆبوونەوەی ئەنجوومەنی سیاسیی نیشتمانی کۆتایی هات.

زانیاریی بەدەستهاتوو: دەروون مەلا ناجی، پەیامنێری ئاڤا لە بەغدا ڕایگەیاند، سەرەتا هەریەک لە موسەننا سامەرائی و ئەحمەد جبووری  کۆبوونەوەکەیان بەجێهشت، دواتر هەریەک لە سابت عەباسی، وەزیری بەرگری و محەممەد حەلبووسی، سەرۆکی حیزبی تەقەدووم کۆبوونەوەکەیان جێهێشتووە.