ئومێد خۆشناو: تەنیا لە دوو ڕۆژدا زیاتر لە 47 هەزار گەشتیار ڕوویان لە هەولێر كردووە

ئاڤا نیوز

 

پارێزگاری هەولێر ئاشكرای دەكات، تەنیا لە دوو ڕۆژی ڕابردوودا زیاتر لە 47 هەزار گەشتیار ڕوویان لە هەولێر كردووە. دەشڵێت، هەموو ئامادەكارییەكی حەوانەوە و لۆجستی بۆ گەشتیارانی زستانە فەراهەمكراوە، تاوەكو لەگەڵ خەڵكی شارەكە، شەوانی سەری ساڵ بە خۆشییەوە بەرێ بكەن.

 

چیرۆكی سەرەكی: ئێوارەی ئەمڕۆ یەكشەممە 28-12-2025، ئومێد خۆشناو، پارێزگاری هەولێر بە یاوەری دلێر محەممەد، بەڕێوەبەری گشتیی گەشتوگوزاری هەولێر و بژار مەلا خدر، قائیمقامی قەزای قوشتەپە و عەمید خەسرۆ غازى، بەڕێوەبەری كاروباری ناوخۆی پارێزگا، بە مەبەستی لە نزیكەوە ئاگاداربوون لە چۆنیەتی پێشوازیكردن لە میوانان و گەشتیارانی ناوەڕاست و خوارووی عێراق سەردانی بازگەی شێراوەیان كرد.

 

لێدوانی فەرمی: ئومێد خۆشناو، پارێزگاری هەولێر بە ئاڤا میدیای ڕاگەیاند، تا ئەمڕۆ، واتە تەنیا لە دوو ڕۆژدا كە هێشتا چەند ڕۆژێكی ماوە بۆ سەری ساڵ، زیاتر لە 47 هەزار گەشتیار ڕوویان لە هەولێر كردووە.

 

ئامادەسازییەكان: ئومێد خۆشناو جەختی لەوە كردەوە، هەموو ئامادەكارییەكی حەوانەوە و لۆجستی بۆ گەشتیاران فەراهەمكراوە، بە جۆرێك كە بتوانن چێژ لە گەشتەكەیان بۆ هەولێر وەربگرن و لەگەڵ خەڵكی شاری هەولێر شەوانی سەری ساڵ بە خۆشییەوە بەرێ بكەن.

 

زانیاریی زیاتر: ئومێد خۆشناو دڵنیایی بە گەشتیاران و میوانان دا كە لە ناوەڕاست و خوارووی عێراق ڕوو لە هەولێر دەكەن، جگە لە پلان و بەرنامە و ڕێكارەكانی تایبەت بۆ پێشوازیكردن لە گەشتیاران، ئاسانكاریی تەواو و مامەڵەیەكی شارستانییانەیان بۆ دەكرێت لە ڕاییكردنی كارەكانیان.