یەكەم كۆبوونەوەی شاندی حكومەتی دیمەشق و هەسەدە بەڕێوەچوو

ئاڤا نیوز

یەكەم كۆبوونەوەی شاندی حكومەتی دیمەشق و هەسەدە لە شاری حەسەكە لە دوای ڕێككەوتنەكەی مەزڵووم عەبدی و ئەحمەد شەرع بەڕێوەچوو.

وێنە گەورەکە: دوای ڕووخانی ڕژێمەکەی بەشار ئەسەد لە مانگی 12ـی ساڵی ڕابردوو، بۆ یەکەمجار و بە ئاشکرا ڕۆژی 10-03-2025، مەزڵووم عەبدی، فەرماندەی گشتیی هەسەدە و ئەحمەد شەرع، سەرۆککۆماری سووریا بۆ قۆناغی ڕاگوزەر کۆبوونەوە و ڕێککەوتنێکی هەشت خاڵییان واژۆ کرد.

ڕاگەییێنراوی فەرمی: نووسینگەی ڕاگەیاندنی هێزەکانی سوریای دیموکرات ڕایگەیاند:

- ئەمڕۆ چوارشەممە، مەزڵووم عەبدی لەگەڵ ئەو لیژنەیە کۆبووەوە کە ئەحمەد شەرع بۆ تەواوکردنی ڕێککەوتنی نێوان ئیدارەی سووریا و هێزەکانی سووریای دیموکرات پێکهێنرابوو.

- لە کۆبوونەوەکەدا ڕۆژهەڵات عەفرین، فەرماندەیی گشتی یەکینەکانی پاراستنی ژنان (یەپەژە) لەگەڵ حوسێن سەلامە، سەرۆکی لیژنەکە لە حکومەتی سووریا و ئەندامانی دیکەی هەردوولا ئامادەبوون.

- لە میانی کۆبوونەوەکەدا بیروڕا ئاڵوگۆڕ کرا و بڕیارە لە سەرەتای مانگی نیسانی داهاتووەوە دەست بە کارکردنی پێکەوەیی لیژنەکان بکرێت.

- لە کۆبوونەوەکەدا باس لە ڕاگەیاندنی دەستووری و پێویستی دڵنیابوون لەوەی هیچ پێکهاتەیەکی سووریا لە ڕۆڵی خۆی و بەشداریکردن لە داڕشتنی داهاتووی سووریا و داڕشتنی دەستوور بەدەر نەکرێت.