داوا دەکرێت ئۆتۆمبێلی هایبرێد بکرێتە تەکسی

ئاڤا نیوز

لە هەرێمی کوردستان خواست لەسەر ئۆتۆمبێلی هایبرێد و کارەبایی زیادی کردووە، بەشێک لە خەڵکیش داوادەکەن مۆڵەتیان پێبدرێت و بکرێنە تاکسی.

ئەوەی پێویستە بیزانیت: هایبرێد ئەو ئۆتۆمبێلانەن کە خێراییەکەی تاوەکو شەست کیلۆمەتر بە وزەی پاتری کار دەکات و بەنزین خەرج ناکات.

زانیاریی تایبەت: ژمارەیەک شۆفێری تەکسی لە هەولێر پەیوەندییان بە ئاڤاوە کرد و دەڵێن،

- "ئێمە تەکسییەکانمان فرۆشتووە، ئۆتۆمبێلی هایبرێدمان کڕیوە، دەمانەوێت بیانکەین بە تەکسی، بەڵام حکومەت ڕێگەمان پێنادات".

ئەمەش بزانە: بۆ ئەوەی ئۆتۆمبێلە هایبرێدەکان بکرێنە تەکسی، پێویستە وەزارەتی ناوخۆ فەرمان دەر بکات و ڕێگە بە هاووڵاتیان بدات ئەو کارە بکەن.

لێدوانی فەرمی:  د.هێمن میرانی، بەڕێوەبەری گشتیی دیوانی وەزارەتی ناوخۆ وتی، "تاوەکو ئێستا هیچ بڕیارێک لەبارەی ئۆتۆمبێلە هایبرێدەکان نەدراوە تاوەکو بکرێنە تەکسی، بەڵام لە داهاتوودا کاری لەسەر دەکەین".