ئیلۆن مەسک: ڕۆژانە تەنیا شەش کاتژمێر دەخەوم

ئاڤا نیوز

 

ئیلۆن مەسک، دەوڵەمەندترین کەسی جیهان و بەڕێوەبەری دامەزراوەی کارامەییەکانی حکومەتی ئەمریکا، لە دیدارێکی تەلەڤیزیۆنیدا باس لە چەند لایەنێکی ژیانی تایبەتیی خۆی دەکات و ئاماژە بە ڕۆتینی خەوتن و خواردن و کارکردنی دەدات.

 

لێدوانی فەرمی: مەسک دەڵێت، ڕۆژانە بە تێکڕا تەنیا شەش کاتژمێر دەخەوێت و هاوکات ئاماژە بەوەش دەکات کە بە نزیکەیی هەموو ئەو کاتژمێرانەی کە نەخەوتووە و بەخەبەرە؛ کار دەکات.

زانیاریی زیاتر: مەسک سەبارەت بە ڕۆتینی نانخواردنی دەڵێت لە ڕۆتینی ڕۆژانەیدا شتێک نییە بە ناوی 'خوانی کۆمەڵایەتی' و کۆبوونەوە لەسەر سفرە بۆ نانخواردن، بەڵکو ئەو نانی نیوەڕۆ و نانی ئێوارەی لەمیانی کۆبوونەوەکانیدا دەخوات و لە کۆبوونەوەکانیش بەردەوام دەبێت.