سەرۆکوەزیران مەسرور بارزانی: ڕێککەوتن لەسەر کارنامەی حکومەت کراوە

ئاڤا نیوز

سەرۆكوەزیران مەسرور بارزانی لەگەڵ كاربەڕێكەری باڵیۆزخانەی ئەمریكا لە عێراق كۆبووەوە و چەند پرسێكیان تاووتوێ كرد.

چیرۆکی سەرەکی: ئه‌مڕۆ پێنجشەممە 2025-03-20، سەرۆكوەزیران مەسرور بارزانی پێشوازيی له‌ باڵيۆز دانيال ڕوبنستين، كاربه‌ڕێكه‌رى باڵيۆزخانەی ئه‌مه‌ريكا له‌ عێراق و ستیڤ بیتنەر، کونسوڵی گشتیی ئەمەریکا لە هەرێمی کوردستان كرد.

بڵاوكراوەی فەرمی: بەپێی ڕاگەیێنراوێكی نووسینگەی سەرۆكوەزیران مەسرور بارزانی:

٠ لە كۆبوونەوەكەدا گفتوگۆ لەبارەی ڕێکكار و هەنگاو و گفتوگۆکانی پێکهێنانی کابینەی نوێی حکومەتی هەرێمی کوردستان کرا.

٠ سەرۆكوەزیران مەسرور بارزانی ئاماژەی بەوە دا کە پرۆسەی پێكهێنانی كابینەی نوێ بەشێوەیەکی باش و ئەرێنی بەڕێوەدەچێت و ڕێککەوتنیش لەسەر کارنامەی حکومەت کراوە.

٠ لە بەشێکی دیکەی گفتوگۆکاندا، جەخت لە گرنگیی چارەسەرکردنی کێشەکانی هەرێمی کوردستان و حکومەتی فیدراڵ و دابینکردنی بەشە بودجەی هەرێمی کوردستان کرایەوە.  هەروەها هەردوولا هاوڕابوون لەسەر پێویستی هەناردەکردنەوەی نەوتی هەرێمی کوردستان و نەهێشتنی هەموو ئاستەنگەکان لەم بارەوە.