عومرەكارێكی دیكەی كورد لە سعوودییە كۆچی دوایی كرد

ئاڤا نیوز

عومرەكارێكی دیكەی كورد كە خەڵكی گەرمیانە لە وڵاتی سعوودییە كۆچی دوایی كرد و بەڕێوەبەرایەتیی حەج و عومرەی هەرێمی كوردستانیش زانیاریی لەوبارەیەوە بڵاودەكاتەوە.

ڕاگەیێنراوی فەرمی: بەڕێوەبەرایەتیی حەج و عومرە ڕایگەیاند: هاووڵاتی سەمیر محەممەد، دانیشتووی ئیدارەی سەربەخۆی گەرمیان کە بە مەبەستی عومرە سەردانی سعوودییەی کردبوو دوای بەجێگەیاندنی سوننەتی عومرە دۆخی تەندروستیی تێكچووە، دوای گەیاندنی بۆ نەخۆشخانە و مانەوەی بۆ ماوەی چەند ڕۆژێك، كۆچی دوایی كرد.

زانیاریی زیاتر: عومرەكارەكە تەمەنی 65 ساڵ بووە و نەخۆشیی دڵی هەبووە و لە شاری مەككە تووشی جەڵتەی دڵ بووە، هەر بەو هۆیەوەش گیانی لەدەست داوە.

ئەوەی پێویستە بیزانیت: لە سەرەتای ئەمساڵەوە تاوەكو ئێستا نۆ عومرەكاری كورد لە وڵاتی سعوودییە كۆچی دواییان كردووە كە سێ حاڵەتیان لەنێو مانگی ڕەمەزاندا بووە.