ئیسرائیل پیرۆزبایی نەورۆز لە گەلی کورد دەکات

ئاڤا نیوز

وەزیری دەرەوەی ئیسرائیل، بە بۆنەی نەورۆزەوە پەیامێکی پیرۆزبایی ئاراستەی گەلی کورد دەکات.

پەیامی فەرمی: گیدعۆن ساعر، وەزیری دەرەوەی ئیسرائیل لە پەیامەکەیدا کە لە تۆڕی کۆمەڵایەتیی ئێکس بڵاوی کردووەتەوە، ستایشی خەباتی کورد دەکات و دەڵێت، خۆڕاگری و خەباتی کورد بۆ پاراستنی شوناس و نەریتی ئیلهامبەخشە.

- هیوا ئاشتی و ئاسایش و خۆشگوزەرانی بۆ کورد دەخوازێت.

دەقی پەیامەکە:

- لەم نەورۆزەدا، گەرمترین پیرۆزباییەکانمان دەنێرین. نەورۆز نیشانەی سەرکەوتنی ڕووناکییە بەسەر تاریکیدا، نوێبوونەوەی بەهارە و گیانی هیوایە.

- ئیسرائیل ستایشی خۆڕاگریی و بەهێزیی گەلی کورد دەکات. خەباتی ئێوە بۆ پاراستنی ناسنامە و نەریتەکانتان ئیلهامبەخشە.

- ئەمساڵ، زیاتر لە هەر کاتێکی دیکە، هیوادارین نەورۆز ئاشتی، ئاسایش و خۆشگوزەرانی بێنێت. با هیواکانتان وەک گوڵەکانی بەهار بپشکوێن.

نەورۆز پیرۆز بێت!"