پەرستارانی عێراق هەڕەشەی مانگرتنی سەرتاسەری دەکەن

 

 

ئاڤا نیوز

سەندیکای پەرستارانی عێراق، حکومەتی عێراقی تۆمەتبار دەکات بەوەی "پشتگوێی خستوون" و چەند ڕۆژێک مۆڵەت دەداتە حکومەت بۆ ئەوەی داواکانیان جێبەجێبکات، لەبەرامبەر بەدەمەوە نەچوونی حکومەت لە تەواوی پارێزگاکانی عێراق مان دەگرن.

وێنە گەورەکە: پزیشک و کارمەندانی تەندروستی لە عێراق ڕووبەڕووی چەندین کێشە بوونەتەوە، لەوانەش؛ کەمیی مووچە و خراپی بارودۆخی نەخۆشخانەکان بەم هۆیەوەش چەندین جار خۆپێشاندانیان کردووە و ناڕازیین لە حکومەتی عێراق.

زانیاریی بەدەستهاتوو: سەندیکای پەرستارانی عێراق، ڕۆژی سێشەممە 2025-03-25، وەک وادەی ڕاگرتنی کارکردن لە سەرجەم دامەزراوە تەندروستییەکان و نەخۆشخانەکان و کەرتەکانی دیکە ڕاگەیاند، ئەوەش وەک ناڕەزایەتییەک بەرامبەر بە " پشتگوێ خستنی حکومەت" بۆ پەرستاران.

زانیاریی زیاتر: بەگوێرەی بەڵگەنامەیەکی سەندیکاکە، بەدەست ئاڤا میدیا کەوتووە، چەند داواکارییەکیان هەیە، بەم شێوەیە:

1- زیادکردنی دەرماڵەی مەترسی بە ڕێژەی 20% بۆ ئەوەی ببێتە 100%.

2- بەرزکردنەوەی جێگیرکردنی پیشەیی.

3-  تەرخانکردنی خزمەتگوزاری توێژینەوە.

4- پەرستاری لە گرووپی پزیشکی تۆمار بکرێت.

5- ڕەزامەندی بۆ کردنەوەی خوێندن.

6- تەرخانکردن و دابەشکردنی پارچە زەوی بەسەر پەرستاران لە سەرجەم پارێزگاکاندا.

7- کردنەوەی بۆردی پەرستاریی عێراقی و عەرەبی.

8- خەرجکردنی دەرماڵەی نەختینەیی بژێوی.

9- دانانی دەرچووانی وەجبەی 24 بە هۆی پێویستی بەپەلەوە.