سەرۆکوەزیران و مایکل واڵتز جەخت لە پێکهێنانی کابینەی نوێ لە زووترین کاتدا دەکەنەوە

ئاڤا نیوز

سەرۆکوەزیران مەسرور بارزانی، بە تەلەفۆن لەگەڵ ڕاوێژکاری ئاسایشی نیشتمانی ئەمریکا قسەیان کردووە، باسی پێکهێنانی کابینەی نوێی حکومەت و هەناردەکردنەوەی نەوتی کوردستان کراوە.

وێنە گەورەکە: نزیکەی مانگێک و 20 ڕۆژە پەرلەمانی عێراق یاسای بودجەی هەموار کردوەتەوە، بەڵام بەهۆی چەند بەربەستێک نەتوانراوە نەوت هەناردەی بەندەری جەیهان بکرێتەوە. لە لایەکی دیکەوە دانیشتنەکانی نێوان پارتی و یەکێتی گەیشتوون بە قۆناغی کۆتایی و پێکهێنانی کابینەی نوێ نزیک بووەتەوە.

ڕاگەیێنراوی فەرمی: مەسرور بارزانی، سەرۆکوەزیرانی کوردستان ڕایگەیاند، لەگەڵ مایکل واڵتز، ڕاوێژکاری ئاسایشی نیشتمانیی ئەمریکا، بە تەلەفۆن قسەیان کردووە. لە پەیوەندییە تەلەفۆنییەکە باسی چوار تەوەر کراوە.

٠ پەرەپێدانی پەیوەندییەکانی هەرێمی کوردستان و عێراق لەگەڵ ئەمریکا.

٠ هاوڕابوون لەسەر پێویستی پێکهێنانی کابینەی نوێی حکومەتی هەرێمی کوردستان لە زووترین کاتدا.

٠ پێویستە هەناردەکردنەوەی نەوتی هەرێمی کوردستان دەستپێبکاتەوە لە نزیکترین کاتدا.

٠ پێشهات و گۆڕانکارییە خێراکانی ڕۆژهەڵاتی ناوەڕاست و گرنگی پاراستنی سەقامگیری ناوچەکە تاوتوێ کراوە.