لە ئیستەنبووڵ تەقە لە کۆنسوڵخانەی عێراق دەکرێت

 

ئاڤا نیوز

شەوی هەینی، چەند چەکدارێک تەقە لە کۆنسوڵخانەی عێراق لە ئیستەنبووڵ دەکەن، بەڵام هیچ زیانێکی گیانی و ماددی نەبووە.

چیرۆکی سەرەکی: کاتژمێر 9ـی ئەمشەو، چەند چەکدارێکی نەناسراو بە کلاشینکۆف تەقەیان لە بینایەی کۆنسوڵخانەی عێراق لە ناوچەی شیشلی ئیستنەبووڵ کرد، دواتر هەڵاتوون تاوەکو ئێستا دەستگیر نەکراون و ناسنامەی تۆمەتباران ئاشکرا نەکراوە.

ڕاگەیێنراوی فەرمی: وەزارەتی دەرەوەی عێراق لە ڕاگەیێنراوێکدا ڕایگەیاند: دووپاتی دەکەینەوە لەگەڵ هێزە ئەمنییەکانی تورکیا چاودێریی بەردەوام دەکەین بۆ ئەوەی لێکۆڵینەوە بکرێت و تۆمەتباران سزا بدرێن.

زانیاریی زیاتر: هێزە ئەمنییەکانی تورکیا شەقامەکانی دەوروبەری کۆنسوڵخانەی عێراقیان داخستووە، دەستیان کردووە بە لێكۆڵینەوە.