نووسینگەی سیستانی یەکەم ڕۆژی جەژنی ڕەمەزان دیاری دەکات

ئاڤا نیوز

 

نووسینگەی عەلی سیستانی، پێشبینی دەکات ڕۆژی دووشەممە 31ی ئادار یەکەم ڕۆژی جەژنی ڕەمەزانی پیرۆز بێت.

 

چیرۆکی سەرەکی: مانگی ڕابردوو، نووسینگەی مەرجەعی باڵای شیعە مەزهەبەکانی عێراق، ڕۆژی 02-03-2025 وەک یەکەم ڕۆژی مانگی ڕەمەزانی پیرۆز دیاریکرد و ئاماژەی بەوەدابوو 30-03-2025، دوایین ڕۆژی ڕەمەزان دەبێت.

 

لەلایەکی دیکەوە: ڕۆژی هەینی، ناوەندی نێودەوڵەتیی فەلەکناسی پێشبینی کردبوو کە مانگی ڕەمەزان لە هەندێک وڵاتدا 30 ڕۆژ دەبێت و جەژن دەکەوێتە ڕۆژی دووشەممە 31ی ئادار، لە کاتێکدا لە هەندێک لە وڵاتان ڕۆژی یەکشەممە 30ی ئادار یەکەم ڕۆژی جەژن دەبێت.