ئاڤا میدیا وردەکارییەکانی سەردانی وەزیری دەرەوەی فەڕەنسا بۆ عێراق ئاشکرا دەکات

ئاڤا نیوز

 

ئاڤا میدیا، لە سەرچاوەیەکی حکومییەوە، وردەکارییەکان و کارنامەی سەردانی جان نۆوێڵ بارۆ، وەزیری دەرەوەی فەڕەنسا، بۆ عێراق و هەرێمی کوردستان ئاشکرا دەکات کە چەندین کۆبوونەوە لەخۆ دەگرێت. 

 

چیرۆکی سەرەکی: بڕیارە ئەمڕۆ پێنجشەممە، 5 شوباتی 2026، وەزیری دەرەوەی فەڕەنسا لە سەردانێکی فەرمیدا بگاتە عێراق و دواتر سەردانی هەریمی کوردستان بکات.

 

سەردانەکە چەند وێستگە و کۆبوونەوەی گرنگ لە عێراق و هەرێمی کوردستان لە خۆ دەگرێت لەوانە: 
_  کاتژمێر 3:45 خولەکی دوای نیوەڕۆ لە بەغدا لەگەڵ فوئاد حوسێن، وەزیری دەرەوەی عێراق کۆدەبێتەوە.

_  کاتژمێر 4:30 خولەکی ئێوارە،کۆنفرانسێکی ڕۆژنامەوانی بۆ وەزیری دەرەوەی فەڕەنسا و فوئاد حوسێن بەڕێوەدەچێت. 

_  کاتژمێر4:45 خولەک ئێوارە، وەزیری دەرەوەی فەڕەنسا لەگەڵ محەممەد شیاع سوودانی، سەرۆک وەزیرانی عێراق کۆدەبێتەوە و دواتر بەرەو هەرێمی کوردستان بەڕێدەکەوێت. 

_ کاتژمێر 8:30 خولەکی شەو، لەگەڵ نێچیرڤان بارزانی، سەرۆکی هەرێمی کوردستان کۆدەبێتەوە.

_   دوای کۆبوونەوەی هەردوولا، لە کاتژمێر 8:45 خولەکی شەو، کۆنفرانسێکی ڕۆژنامەوانی بۆ  وەزیری دەروەی فەڕەنسا و نێچیرڤان بارزانی، سەرۆکی هەرێمی کوردستان ئەنجام دەدرێت.

_ کاتژمێر9:00  خولەکی شەو، نێچیرڤان بارزانی ئێوارەخوانێک بۆ وەزیری دەرەوەی فەڕەنسا ڕێکدەخات و دواتر وەزیری دەرەوە کۆتایی بە گەشتەکەی بۆ عێراق و هەولێر دەهێنێت.