پارتی سۆسیال دیموكراتی كوردستان كۆنگرەی نائاسایی دەبەستێت

ئاڤا نیوز

پارتی سۆسیال دیموكراتی كوردستان كۆنگرەی نائاسایی دەبەستێت، پۆستی وەزیری شەهیدان و ئەنفالكراوانیش لە عەبدوڵڵای حاجی مەحموود وەردەگرێتەوە.

لێدوانی فەرمی: دوای دوورخستنەوەی عەبدوڵڵا حاجی مەحموود، جێگری سەرۆكی پارتی سۆسیال دیموكراتی كوردستان، وەزارەتی شەهیدان و ئەنفالكراوان بە حیزب دراوە نەوەكو كەسێك بۆ گۆڕینی وەزیرەكە سێ كەسمان بەربژێر كردووە، بەفەرمی داوامان لە سەرۆكوەزیران بارزانی كردووە، پۆستەكە بەوەكالەت بە یەكێك لەم  سێ كاندیدە نوێیەی حیزبەكە بدرێت. ‌‌ فەرهاد تۆفیق ، گوتەبێژی پارتی سۆسیال دیموكراتی كوردستان وای بە ئاڤا نیوز گوت. 

ئەوەی پێویستە بیزانیت: پارتی سۆسیال دیموكراتی كوردستان، سێ كەسی بۆ پۆستی وەزیری شەهیدان كاندید كردووە، ئەوانیش ( فاتیح ڕەئووف، بەرپرسی دەستەی كارگێڕی؛ ئامانج جەمال، بەرپرسی نووسینگەی سەرۆكی پارتەكە و سادق جەباری، كارگێڕی مەكتەبی سیاسیی) ن.

زانیاریی زیاتر:  ئێستا پارتی سۆسیال دیموكراتی كوردستان سەرقاڵی ئامادەكاریین بۆ كۆنگرەی نائاسایی و دەیانەوێت بە زووترین كات و  پێش 10-6-2024، ئەمساڵ و بەڕێوەچوونی هەڵبژاردنی خولی شەشەمی پەرلەمانی كوردستان كۆنگرەكەیان ببەستن، بە بڕیار حیزبەكەش عەبدوڵڵا حاجی مەحموود دەركراوە و مافی بەشداریكردنی لە كۆنگرەدا نابێت.