ئامادەکارییەکان بۆ پێشانگەی نێودەوڵەتی کتێب لە هەولێر دەستیپێکرد

ئاڤا نیوز 

 

وا بڕیارە لە مانگی چوار پێشانگەی نێودەوڵەتی کتێب لە هەولێر بکرێتەوە و نزیکەی 20 وڵاتی جیاواز بەشداری پێشانگاکە دەبن.

 

وێنە گەورەکە: ساڵانە لە مانگی نیسان، هەولێر گەورەترین پێشانگای کتێب لەسەر ئاستی کوردستان لەخۆ دەگرێت و ماوەی 10 ڕۆژ بەردەوام دەبێت.

 

لێدوانی فەرمی: نەوزاد دزەیی، بەڕێوەبەری کارگێڕی پێشانگەی نێودەوڵەتی کتێب بە ئاڤا میدیای ڕاگەیاند، ئەمساڵ دەبێتە 15 ساڵ ئەو پێشانگایە لە هەولێر دەکرێتەوە، ڕۆژی 9-4-2025 پێشانگاکە دەکرێتەوە، ڕۆژی 19-4-2025 کۆتایی پێدێت، ڕۆژانە لە کاتژمێر 10ـی بەیانی دەستپێدەکات تا کاتژمێر 8ـی شەو بەردەوام دەبێت.

 

نەوزاد دزەیی ئەمانەشی وت:

-    دەزگای مەدا بە هاوکاری وەزارەتی ڕۆشنبیری حکومەتی هەرێمی کوردستان پێشانگاکە بەڕێوە دەبەن.

-     دروشمی ئەمساڵی پێشانگای کتێب "جیهان بە کوردی دەدوێت".

-    سێ ڕۆژە دەزگای مەدا هۆڵی پێشانگای وەرگرتووە و ئامادەکارییەکان دەستیپێکردووە.