کیلۆیەک هەڵوژە لە عەلوەی هەولێر بە 130 هەزار دینارە

ئاڤا نیوز

ئەنجوومەنی عەلوەی هەولێر دەڵێت: ئەمڕۆ لە عەلوەی هەولێر کیلۆیەک هەڵوژە کە هاوردەکراو بوو بە 130 هەزار دینار فرۆشراوە.

وێنە گەورەکە: چەند ساڵێکە لە وەرزی زستان نرخی هەڵوژە بەڕێژەیەکی زۆر بەرز دەبێتەوە، بەهۆی ئەوەی وەرزی پێگەیشتنی ئەو میوە مزرە لە هاوینە و ئەوەی دێتە عەلوەکان هاوردەکراوە، بۆیە نرخەکەی بە ڕادەیەکی زۆر بەرزە.

لێدوانی فەرمی: ڕەجەب عەزیز، ئەنجوومەنی عەلوەی هەولێر بە ئاڤا میدیای وت، ئەمڕۆ یەکشەممە، کیلۆیەک هەڵوژە لەناو عەلوەی هەولێر بە 130 هەزار دینار فرۆشرا، پێنج ڕۆژ پێش ئێستا لە بەغدا کیلۆی بە 350 هەزار دینار فرۆشراوە.

ئەوەی پێویستە بیزانیت: مانگێکی دیکە بەرهەمی هەڵوژەی خۆماڵی پێدەگات، بە وتەی ڕەجەب عەزیز، ئەو کاتە هەڵوژەی خۆماڵی کیلۆی دەبێتە سێ هەزار دینار.