دادگای دەستووری کۆریای باشوور داوای دوورخستنەوەی سەرۆک کۆماری کاتی ڕەتدەکاتەوە

ئاڤا نیوز

 

ئەمڕۆ دووشەممە دادگای دەستووری کۆریای باشوور داوای دوورخستنەوەی هان دۆک سۆ، سەرۆکوەزیرانی کۆریای باشووری بە زۆرینەی دەنگ ڕەتکردەوە.

 

وێنە گەورەکە: هان دۆک سۆ، سەرۆکوەزیرانی کۆریای باشوور کە دوای دوورخستنەوەی یۆن سووک یول، سەرۆکی کۆریا، بە شێوەیەکی کاتی دەسەڵاتەکانی سەرۆک کۆماری پێبەخشراوە، داوای دوورخستنەوەی بە زۆرینەی دەنگی ئەندامانی دادگای دەستووری وڵات ڕەتکرایەوە و دەسەڵاتەکانی سەرۆک کۆماری بۆ گەڕێندرایەوە، سەرۆکوەزیران دوای گەڕاندنەوەی دەسەڵاتەکانی، بڕیارەکەی دادگای بە " بڕیارێکی ژیرانە " ناوبرد.

 

لێدوانی فەرمی: هان دۆک سۆ، سەرۆکوەزیران و سەرۆکی کاتی کۆریای باشوور لە کۆنگرەیەکی ڕۆژنامەوانیدا ڕایگەیاند:" بڕیارەکەی دادگای دەستووری ژیرانە بوو، بەڵێن دەدەم وەک سەرۆک کۆمار ئامانجی هاوبەشی هەموو خەڵکی کۆریا لە بەرەوپێشچوونی بازرگانی و گەشەپێدانی وڵات بەدیبێنم و لە چورچێوەی دەستوور و یاسای وڵات کارەکان ئەنجام بدەم."

 

باکگراوند: دوای سەپاندنی یاسای سەربازی لە لایەن یۆن سووک یول، سەرۆکی کۆریا، لە پۆستەکەی دوورخرایەوە و هان دۆک سۆ، سەرۆکوەزیرانی کۆریای باشوور بە شێوەیەکی کاتی دەسەڵاتەکانی سەرۆک کۆماری پێبەخشراوە.