شەڕی پەکەکە و سوپای تورکیا ڕێگەیەکی سەرەکی لە ئامێدی دادەخات

ئاڤا نیوز

بەهۆی شەڕ و ڕووبەڕووبوونەوەی نێوان گەریلاکانی پەکەکە و سوپای تورکیا ڕێگەی سەرەکیی نێوان قەزای ئامێدی و دێرەلووک بۆ ماوەیەک داخرا.

چیرۆکی سەرەکی: دوانیوەڕۆی ئەمڕۆ گەریلاکانی پەکەکە لە نزیک ئامێدی هێرشیان کردە سەر خاڵێکی سەربازیی سوپای تورکیا و ڕووبەڕووبوونەوە ڕووی دا.

زانیاریی بەدەستهاتوو: نیهاد حوسێن، پەیامنێری ئاڤا نیوز لە ئامێدی ڕایگەیاند، بەهۆی شەڕەکە بۆ ماوەیەک ڕێگەی نێوان ئامێدی و ناحیەی دێرەلووک داخرا، وێڕای دروستبوونی ترس و دڵەڕاوکێ، قەرەباڵغییەکی زۆر لە ڕێگاکە دروست ببوو، بەڵام دوای نیو کاتژمێر ڕێگاکە کرایەوە.

بۆچی گرنگە: ناکۆکییەکانی نێوان پەکەکە و سوپای تورکیا چەند ساڵێکە مەترسی لەسەر ژیان و کاروباری ڕۆژانەی هاونیشتمانیانی مەدەنی لەو دەڤەرە دروستکردووە.