لە سنووری بارزان 10 هەزار مریشک مردار دەبنەوە

ئاڤا نیوز

 

شه‌وی ڕابردوو له‌ گوندی رێشه‌ی سه‌ر به‌ ده‌ڤه‌ری بارزان، به‌هۆی شۆرتی كاره‌با ئاگر لە كێڵگه‌یه‌كی په‌له‌وه‌ری دەکەوێتەوە و لە ئەنجامدا ژمارەیەکی زۆر مریشك مرداربوونەوە.

 

لێدوانی فەرمی: یوسف عەلی، خاوەنی کێڵگەکە بە ئاڤای میدیای ڕاگەیاند، "ئاگرەکە بەهۆی شۆرتی کارەباوە بووە، بەوهۆیەوە لە کێڵگەکەمان نزیکەی 10 هەزار مریشک مردار بوونەتەوە، هاوکات ڕێژەیەکی زۆر عەلەف و کەلوپەلی کێڵگە پەلەوەرییەکە لەناوچوو و زیانێکی زۆر بە کێڵگەکەمان کەوت.

 

زانیاریی زیاتر: خاوەن کێڵگە پەلەوەرییەکە دەشڵێت، هیچ زیانێکی گیانی بەهۆی ئاگرەکەوە نەبووە.

 

ئەوەی پێویستە بیزانیت: دوای ماوەیەک توانراوە ئاگرەکە کۆنترۆڵ بکرێت. هاوکات زیانە مادییەکانی کێڵگەکە بە چوار دەفتەر دۆلار مەزندە دەکرێت.