کامێراى خاڵ بۆ خاڵ لەسەر ڕێگای دهۆک - زاخۆ دادەنرێت

ئاڤا نیوز

 

بڕیارە لە ناوەڕاستی مانگی داهاتوو کامێرای خاڵ بۆ خاڵ لەسەر ڕێگای نێوان دهۆک - زاخۆ دابنرێت.

 

وێنە گەورەکە: بە مەبەستی تۆمارکردنی تیژڕەوی و سەرپێچی شۆفێران، کامێرای خاڵ بۆ خاڵ لە زۆربەی ڕێگە خێراکانی نێوان شارەکان و شەقامەکانی هەرێمی کوردستان دانراوە؛ بەپێی قسەی بەرپرسانی وەزارەتی ناوخۆش جێگیرکردنی ئەو کامێرایانە بۆتە هۆکاری کەمکردنەوەی ڕووداوەکانی هاتووچۆ.

 

ڕاگەیێنراوی فەرمی: بەڕێوەبەرایەتیی هاتووچۆی دهۆک ڕایگەیاند، لە 15- 4- 2025ـوە، کامێراکانى چاودێرىی خاڵ بۆ خاڵ (پۆینت توو پۆینت)، لە نێوان دهۆک و زاخۆ دەکەوێتەکار بۆ تۆمارکردنی تیژڕەوی و سەرپێچی شۆفێران.

زانیاریی زیاتر: خێرایى ڕێگەپێدراو لەو رێگەیە، بۆ ئۆتۆمبێلى بچووک 100 کیلۆمەترە لە کاتژمێرێکدا، بۆ ئۆتۆمبێلى بارهەڵگریش 80 کیلۆمەترە لە کاتژمێرێکدا.