ترەمپ گۆڕانکاری لە یاسای هەڵبژاردنی ئەمریکا دەکات

ئاڤا نیوز

دۆناڵد ترەمپ، سەرۆکی ئەمریکا گۆڕانکاری لە یاسای هەڵبژاردنی ئەمریکا دەکات و دەڵێت، ئەو سەردەمە گوزەشت هەمووتان مافی دەنگدانتان هەبێت، پێشتر بەمشێوەیە نەیانهێشتووە "من دەرچم و ساختەکاری کراوە".

وێنە گەورەکە: ترەمپ فەرمانی بۆ کۆمیسیۆنی هەڵبژاردنی ئەمریکا دەرکردووە و دەڵێت، هەرکەسێک ناسنامە و کارتی دەنگدان و فۆرمی دەنگدانی نەبوو مافی دەنگدانی نییە، هەر ویلایەتێکیش بە فۆرمە کۆنەکە مافی دەنگدان بداتە خەڵک لە بودجەکەی دەبڕین دەبێت خەرجی هەڵبژاردنەکە لە گیرفانی خۆیان بکەن، هەرئەوەش نا دەبێت هەموو دەنگدەرێکی ئەمریکا لەیەک ڕۆژدا دەنگبدات نەک وەک جاران دەیان ڕۆژی پێ بچێت.

بە تەنیشت ئەم بابەتەوە: کۆمیسیۆنی هەڵبژاردنەکانی ئەمریکا بەدەم فەرمانەکەی ترەمپ چووە و دەڵێت، "لەمڕۆوە پێداچوونەوە بەکارەکانمان دەکەین و فەرمانەکە جێبەجێ دەکەین".

لەلایەکی دیکەوە: ترەمپ وەزارەتی ناوخۆ و ئیلۆن مەسکی ڕاسپاردووە بە لیستی دەنگدەرانی ئەمریکا بچنەوە، بۆئەوەی بزانن کام لە دەنگدەران بیانییە، واتە خەڵکی ڕەسەنی ئەمریکا نییە، یان لاتینی و هاووڵاتی ڕەش پێستە.

بۆچوونی لایەنی بەرامبەر: لە بەرامبەردا دیموکراتەکان دەڵێن، ئەم فەرمانەی ترەمپ بۆئەوەیە کێی بە دڵ بوو مافی دەنگدانی پێبدات و کێشی بە دوژمن زانی و بۆی دەرکەوت دەنگی پێنادات، ناهێڵێت دەنگەکەی بدات.