کوژرانی شەش چەکداری داعش لە عێراق ڕاگەیێنرا

ئاڤا نیوز

فەرماندەیی ئۆپەراسیۆنە هاوبەشەکانی عێراق کوژرانی شەش چەکداری داعشی لە ئۆپەراسیۆنێکی ئاسمانیدا لە بیابانی سەرسار ڕاگەیاند.

چیرۆکی سەرەکی: هێزە ئەمنییەکانی عێراق لە سنووری پارێزگاکانی دیالە، ئەنبار، سەڵاحەددین و نەینەوا ئۆپەراسیۆنێکی ئەمنییان بۆ سەر چەکدارانی داعش و دۆزینەوەی حەشارگەکانیان دەستپێکردووە.

بۆچی گرنگە: لە سەرەتای ئەمساڵەوە جوڵەی چەکدارانی داعش لە سنووری چەند پارێزگایەک و بەتایبەت ئەو ناوچانەی بۆشایی ئەمنیان پێدەگوترێ لە نێوان پێشمەرگە و هێزە عێراقییەکان زیادی کردووە، ئەمەش بووەتە مەترسی لەسەر ژیانی هاووڵاتیانی مەدەنی.

ڕاگەیێنراوی فەرمی: فەرماندەی ئۆپەراسیۆنە هاوبەشەکان ڕایگەیاندووە "تونێلێکی گەورەی چەکدارانی داعش لە بیابانی سەرسار بە چوار مووشەک کراوەتە ئامانج و بەهۆیەوە شەش چەکدار کوژراون."

ئەمەش بزانە: بیابانی سرسار دەکەوێتە باکووری ڕۆژئاوای پارێزگای تکریت و باکووری پارێزگای ئەنبار و گەورەترین بیابانی سروشتییە لە عێراق.